4 красавіка, Мінск /Кар. БЕЛТА/. У Курапатах праходзяць планавыя работы па добраўпарадкаванні, манціруюцца агароджы, прыбіраюцца незаконна ўстаноўленыя збудаванні, паведаміў карэспандэнту БЕЛТА дырэктар Бараўлянскага спецлясгаса Аляксандр Мірановіч.
Аляксандр Мірановіч растлумачыў, што ў Курапатах, тэрыторыя якіх з'яўляецца гісторыка-культурнай каштоўнасцю і землямі дзяржаўнага ляснога фонду, цяпер праходзіць другі этап добраўпарадкавання. "Адначасова прыбіраюцца незаконна ўстаноўленыя збудаванні ў выглядзе крыжоў. Яны выкопваюцца там, дзе ставіцца агароджа", - адзначыў дырэктар спецлясгаса.-0-