22 студзеня, Мінск /Кар. БЕЛТА/. У Беларусі вызначылі, якія арганізацыі будуць праводзіць аналіз насення лясных раслін. Гэта прадугледжана пастановай Міністэрства лясной гаспадаркі ад 5 снежня 2023 года нумар 14, паведамляе БЕЛТА са спасылкай на Нацыянальны прававы інтэрнэт-партал.
У пералік уключаны Рэспубліканскі лясны селекцыйна-насенняводчы цэнтр, Глыбоцкі і Івацэвіцкі доследныя лясгасы, Горацкі і Шчучынскі лясгасы.
Аналізу падлягае насенне ўсіх лясных раслін, вытворчасць якіх ажыццяўляецца для выкарыстання і (або) рэалізацыі ў мэтах размнажэння лясных раслін.
Пастанова ўступае ў сілу з 23 студзеня 2024 года.-0-
