19 снежня, Мінск /Кар. БЕЛТА/. Задачы на наступны год перад раёнамі будуць дыферэнцыраванымі, аднак клопат пра дабрабыт людзей застанецца агульным. Аб гэтым заявіў старшыня Мінскага аблвыканкама Аляксандр Турчын на пасяджэнні аблвыканкама, у час якога разглядаліся пытанні сацыяльна-эканамічнага развіцця рэгіёна, а таксама праект абласнога бюджэту на 2025 год, перадае карэспандэнт БЕЛТА.
"Вобласць нядрэнна заканчвае год, аднак прычын для самазаспакаення няма. Задачы перад намі стаяць не менш адказныя. У папярэднім годзе, як і ў 2022-м, у эканоміцы быў аднаўленчы рост, і наступны перыяд будзе складаным, бо рэзервы аднаўленчага росту вычарпаны. Нам трэба паказваць рэальны рост эканомікі. Ва ўмовах усіх санкцыйных абмежаванняў гэта задача няпростая, але выканальная", - сказаў Аляксандр Турчын.
Гаворачы аб спецыфіцы эканамічнага развіцця рэгіёнаў, кіраўнік вобласці падкрэсліў, што ўсе яны маюць свае асаблівасці. "Будзе дыферэнцыяцыя задач, якія будуць стаяць перад кожным раёнам. Не могуць быць яны аднолькавымі, напрыклад, для Салігорскага і Старадарожскага раёнаў. Але клопаты пра дабрабыт нашых людзей, а гэта і наяўнасць работы, і стан сацыяльнай сферы, ЖКГ - тое, што ўплывае на настрой грамадзян (а тут ёсць над чым працаваць), застануцца агульнымі. Кожны з нас на сваіх месцах павінен выконваць свае абавязкі. Калі мы будзем гэта добрасумленна рабіць, то ўсё ў нас атрымаецца", - падкрэсліў ён.
Аляксандр Турчын таксама правёў цырымонію ўзнагароджвання: падзякі Прэзідэнта былі ўручаны ўдзельнікам ліквідацыі наступстваў стыхіі, якія аператыўна і добрасумленна выконвалі свае абавязкі. Сярод іх - старшыня Халапеніцкага сельвыканкама Крупскага раёна Лідзія Бачышчава, начальнік службы ліній электраперадачы філіяла "Слуцкія электрасеткі" Ігар Дзядок, электраманцёр па рамонце паветраных ліній электраперадачы філіяла "Стаўбцоўскія электрычныя сеткі" "Мінскэнерга" Мікалай Жаўнерчык, электраманцёр-лінейшчык па мантажы паветраных ліній высокага напружання і кантактнай сеткі вытворчага ўчастка нумар 1 філіяла "БМУ нумар 7" ААТ "Белсельэлектрасеткабуд" Васіль Казак, майстар будаўнічых і мантажных работ Мядзельскага ўчастка Сяргей Кісель, электраманцёр-лінейшчык па мантажы паветраных ліній высокага напружання і кантактнай сеткі Вілейскага ўчастка філіяла "БМУ нумар 5" ААТ "Белсельэлектрасеткабуд" Алег Козінец.
Праект бюджэту Мінскай вобласці на 2025 год сфарміраваны на падставе прагнозных параметраў сацыяльна-эканамічнага развіцця рэспублікі на 2025 год, чаканай ацэнкі выканання бюджэту ў 2024 годзе. У цэлым даходы кансалідаванага бюджэту вобласці на 2025 год вызначаны ў суме Br7034,6 млн, у тым ліку ўласныя даходы Br6348,8 млн, або 110,2 працэнта да чаканага выканання 2024 года. Як і ў папярэднія гады, бюджэт Мінскай вобласці ў 2025 годзе захавае сацыяльную накіраванасць.-0-
"Вобласць нядрэнна заканчвае год, аднак прычын для самазаспакаення няма. Задачы перад намі стаяць не менш адказныя. У папярэднім годзе, як і ў 2022-м, у эканоміцы быў аднаўленчы рост, і наступны перыяд будзе складаным, бо рэзервы аднаўленчага росту вычарпаны. Нам трэба паказваць рэальны рост эканомікі. Ва ўмовах усіх санкцыйных абмежаванняў гэта задача няпростая, але выканальная", - сказаў Аляксандр Турчын.
Гаворачы аб спецыфіцы эканамічнага развіцця рэгіёнаў, кіраўнік вобласці падкрэсліў, што ўсе яны маюць свае асаблівасці. "Будзе дыферэнцыяцыя задач, якія будуць стаяць перад кожным раёнам. Не могуць быць яны аднолькавымі, напрыклад, для Салігорскага і Старадарожскага раёнаў. Але клопаты пра дабрабыт нашых людзей, а гэта і наяўнасць работы, і стан сацыяльнай сферы, ЖКГ - тое, што ўплывае на настрой грамадзян (а тут ёсць над чым працаваць), застануцца агульнымі. Кожны з нас на сваіх месцах павінен выконваць свае абавязкі. Калі мы будзем гэта добрасумленна рабіць, то ўсё ў нас атрымаецца", - падкрэсліў ён.
Аляксандр Турчын таксама правёў цырымонію ўзнагароджвання: падзякі Прэзідэнта былі ўручаны ўдзельнікам ліквідацыі наступстваў стыхіі, якія аператыўна і добрасумленна выконвалі свае абавязкі. Сярод іх - старшыня Халапеніцкага сельвыканкама Крупскага раёна Лідзія Бачышчава, начальнік службы ліній электраперадачы філіяла "Слуцкія электрасеткі" Ігар Дзядок, электраманцёр па рамонце паветраных ліній электраперадачы філіяла "Стаўбцоўскія электрычныя сеткі" "Мінскэнерга" Мікалай Жаўнерчык, электраманцёр-лінейшчык па мантажы паветраных ліній высокага напружання і кантактнай сеткі вытворчага ўчастка нумар 1 філіяла "БМУ нумар 7" ААТ "Белсельэлектрасеткабуд" Васіль Казак, майстар будаўнічых і мантажных работ Мядзельскага ўчастка Сяргей Кісель, электраманцёр-лінейшчык па мантажы паветраных ліній высокага напружання і кантактнай сеткі Вілейскага ўчастка філіяла "БМУ нумар 5" ААТ "Белсельэлектрасеткабуд" Алег Козінец.
Падпісвайцеся на нас у
