ЦВК: для назірання за выбарамі Прэзідэнта Беларусі акрэдытаваны наглядальнікі з больш як 40 краін

15 студзеня, Мінск /Кар. БЕЛТА/. Для назірання за выбарамі Прэзідэнта Беларусі акрэдытаваны міжнародныя наглядальнікі з больш як 40 краін. Аб гэтым паведаміла журналістам сакратар ЦВК Алена Балдоўская, перадае карэспандэнт БЕЛТА.

"На сённяшні дзень тэрытарыяльнымі ўчастковымі камісіямі акрэдытавана крыху больш за 37 тыс. нацыянальных наглядальнікаў. Акрэдытацыя нацыянальных наглядальнікаў будзе ажыццяўляцца аж да пачатку датэрміновага галасавання. Гэта значыць 20 студзеня, панядзелак, - апошні дзень, калі суб'екты могуць накіраваць сваіх прадстаўнікоў у якасці наглядальнікаў у адпаведныя тэрытарыяльныя ўчастковыя выбарчыя камісіі", - расказала сакратар ЦВК.

Прадаўжаецца акрэдытацыя міжнародных наглядальнікаў. "Крыху больш за 400 чалавек на сённяшні дзень ужо акрэдытаваны. Прадаўжаецца паступленне заявак у Цэнтральную выбарчую камісію, анкет ад адпаведных структур і, адпаведна, прадаўжаецца выдача акрэдытацыйных пасведчанняў Цэнтральнай выбарчай камісіяй, - адзначыла Алена Балдоўская. - Прадстаўніцтва на сённяшні дзень - з больш як 40 краін акрэдытаваны наглядальнікі. Гэта краіны СНД, Еўрапейскага саюза, Афрыканскі кантынент, Азія. Гэта значыць даволі шырокая геаграфія прадстаўніцтва міжнародных наглядальнікаў ужо ёсць, зыходзячы з праведзенай ЦВК акрэдытацыі".