Фота з архіва
22 верасня, Мінск /Кар. БЕЛТА/. Міністр інфармацыі Марат Маркаў расказаў аб тым, ці з'явіцца ў Беларусі ўласны дзіцячы тэлеканал, паведамляе БЕЛТА са спасылкай на Мінінфарм.
Як адзначыў Марат Маркаў, у краіне сёння зарэгістравана і вяшчае 18 тэлеканалаў, арыентаваных на дзіцячую аўдыторыю. З іх ні аднаго беларускага, большая частка - прыватныя. "У сувязі з гэтым "за" з'яўленне такога канала - разуменне простага факта, што выхоўваць сваіх дзяцей на сваіх каштоўнасцях і маралі мы абавязаны самі, а тэлебачанне - гэта адзін з інструментаў такога выхавання. І гэта першая, простая частка адказу", - падкрэсліў міністр.
"Ці дастаткова ў краіне ўласнага беларускага дзіцячага кантэнту (з усімі архівамі "Беларусьфільма")? Хто будзе вырабляць гэты кантэнт на пастаяннай аснове, каб запоўніць 16-18 гадзін эфіру? Ці павінен тэлеканал быць дзяржаўным або ёсць энтузіясты, гатовыя ўзяць частку клопатаў па выхаванні нашых дзяцей у рамках дзяржаўна-прыватнага партнёрства, і галоўнае - які працэнт дзяцей яго будзе глядзець. Гэта толькі вельмі малая частка пытанняў, якія патрабуюць дэталёвай прапрацоўкі. І гэта другая, складаная частка адказу", - звярнуў увагу Марат Маркаў, дадаўшы, што не трэба будаваць ілюзій, што канал будзе прывабным для рэкламадаўцаў, а значыць - гэта выключна сацыяльны і вельмі затратны праект. Разам з тым міністр інфармацыі паведаміў, што гэтыя пытанні знаходзяцца ў прапрацоўцы.
Мінінфарм запусціў пастаянную рубрыку #наПодумать з міністрам інфармацыі Маратам Маркавым. Ва ўсіх ёсць магчымасць задаць пытанне міністру.-0-
Як адзначыў Марат Маркаў, у краіне сёння зарэгістравана і вяшчае 18 тэлеканалаў, арыентаваных на дзіцячую аўдыторыю. З іх ні аднаго беларускага, большая частка - прыватныя. "У сувязі з гэтым "за" з'яўленне такога канала - разуменне простага факта, што выхоўваць сваіх дзяцей на сваіх каштоўнасцях і маралі мы абавязаны самі, а тэлебачанне - гэта адзін з інструментаў такога выхавання. І гэта першая, простая частка адказу", - падкрэсліў міністр.
"Ці дастаткова ў краіне ўласнага беларускага дзіцячага кантэнту (з усімі архівамі "Беларусьфільма")? Хто будзе вырабляць гэты кантэнт на пастаяннай аснове, каб запоўніць 16-18 гадзін эфіру? Ці павінен тэлеканал быць дзяржаўным або ёсць энтузіясты, гатовыя ўзяць частку клопатаў па выхаванні нашых дзяцей у рамках дзяржаўна-прыватнага партнёрства, і галоўнае - які працэнт дзяцей яго будзе глядзець. Гэта толькі вельмі малая частка пытанняў, якія патрабуюць дэталёвай прапрацоўкі. І гэта другая, складаная частка адказу", - звярнуў увагу Марат Маркаў, дадаўшы, што не трэба будаваць ілюзій, што канал будзе прывабным для рэкламадаўцаў, а значыць - гэта выключна сацыяльны і вельмі затратны праект. Разам з тым міністр інфармацыі паведаміў, што гэтыя пытанні знаходзяцца ў прапрацоўцы.
Мінінфарм запусціў пастаянную рубрыку #наПодумать з міністрам інфармацыі Маратам Маркавым. Ва ўсіх ёсць магчымасць задаць пытанне міністру.-0-
Падпісвайцеся на нас у
