Ці трэба плаціць за капрамонт уласніку нежылога памяшкання ў шматпавярховым доме, расказалі ў МЖКГ

4 снежня, Мінск /Кар. БЕЛТА/. Ці трэба плаціць за капітальны рамонт уласніку нежылога памяшкання ў шматпавярховым доме, расказалі БЕЛТА ў Міністэрстве жыллёва-камунальнай гаспадаркі.

У МЖКГ падкрэслілі, што ў адпаведнасці з Жыллёвым кодэксам уласнікі нежылых памяшканняў абавязаны ўносіць плату за жыллёва-камунальныя паслугі, уключаючы і плату за капітальны рамонт. Абавязак па ўнясенні названай платы ў адпаведнасці з дагаворамі на аказанне жыллёва-камунальных паслуг узнікае ў іх са дня ўзнікнення права ўласнасці на нежылыя памяшканні.

Згодна з п.5 арт.29 ЖК адмова ад заключэння дагавора на аказанне асноўных жыллёва-камунальных паслуг не вызваляе ўласнікаў нежылых памяшканняў ад унясення платы за фактычна аказаныя асноўныя ЖКП.

"У адпаведнасці з палажэннем аб парадку разлікаў і ўнясення платы за жыллёва-камунальныя паслугі, паслугу па кіраванні агульнай маёмасцю сумеснага домаўладання і платы за карыстанне жылымі памяшканнямі дзяржаўнага жыллёвага фонду, а таксама пакрыцця расходаў на электраэнергію, уласнікі нежылых памяшканняў уносяць плату за капітальны рамонт адпаведна агульнай плошчы прыналежных і (або) займаемых нежылых памяшканняў, па тарыфах, якія забяспечваюць поўнае пакрыццё эканамічна абаснаваных затрат", - растлумачылі ў ведамстве.-0-