Сітуацыя на літоўскім і латвійскім напрамках пагаршаецца. ДМК пра чэргі на граніцы

30 верасня, Мінск /Кар. БЕЛТА/. Сітуацыю з чэргамі аўтамабіляў на граніцы з Літвой, Латвіяй і Польшчай пракаменціравалі ў Дзяржаўным мытным камітэце, паведамляе БЕЛТА.

"Сёння літоўскія кантралюючыя службы прымаюць не больш за пяць (з магчымых 20) грузавікоў за гадзіну, што прыбываюць з беларускага пункта пропуску "Каменны Лог". А за мінулыя суткі літоўцы аформілі толькі 12 працэнтаў выязджаючых з Беларусі грузавікоў ад аб'ёму, які дазваляюць прапускныя магчымасці сумежнага пункта пропуску, - расказалі ў ДМК. - У другім адкрытым для руху літоўскім "Шальчынінкаі" скорасць афармлення грузавікоў не намнога лепшая - за апошнія суткі літоўцы прынялі не больш за 30 працэнтаў транспарту. Цяпер выезду ў Літву чакае каля 1200 грузавікоў".

Латвійскія кантралюючыя службы аналагічна зацягваюць пропуск транспартных сродкаў у адзіным адкрытым для руху пункце пропуску "Грыгароўшчына" ("Патэрніекі"), адзначылі ў камітэце. Цяпер тут выезду з Беларусі чакаюць 670 грузавікоў.

"Сітуацыя на літоўскім і латвійскім напрамках пагаршаецца, нягледзячы на тое што частка патоку вярнулася на польскі напрамак. Палякі за апошнія суткі прынялі на свой бок палавіну ад магчымай колькасці. Цяпер выезду з пункта пропуску "Казловічы" чакаюць 1350 грузавікоў", - расказалі ў ДМК.-0-