ДЗЯРЖОРГАНЫДЗЯРЖОРГАНЫ
Флаг Пятніца, 24 верасня 2021
Мінск Воблачна з праясненнямі +11°C
Усе навіны
Усе навіны
Грамадства
29 ліпеня 2021, 17:36

Школы павінны атрымаць сертыфікаты гатоўнасці да 20 жніўня - Мінадукацыі

Фота з архіва
Фота з архіва

29 ліпеня, Мінск /Кар. БЕЛТА/. Сёння на пасяджэнні калегіі Міністэрства адукацыі разглядалася пытанне падрыхтоўкі ўстаноў адукацыі да пачатку 2021/2022 навучальнага года і аб прынятых мерах па ўстараненні ва ўстановах адукацыі выяўленых міжведамаснымі групамі недахопаў і парушэнняў. Аб гэтым БЕЛТА паведамілі ў прэс-службе ведамства.

Калегія адбылася ў фармаце відэаканферэнцыі. Міністр адукацыі Ігар Карпенка дакладна абазначыў задачы і прыярытэты: устараненне ўсіх выяўленых недахопаў, максімальнае выкананне тых даручэнняў, якія былі дадзены кіраўніком дзяржавы, падрыхтоўка ўстаноў адукацыі да новага навучальнага года павінна завяршыцца ў тэрмін, усе ўстановы адукацыі павінны атрымаць сертыфікаты гатоўнасці. Асаблівую ўвагу неабходна ўдзяліць пытанням бяспечнага функцыянавання ўстаноў адукацыі, прапускному рэжыму, падвозу вучняў, кадраваму забеспячэнню, выкананню санітарна-эпідэміялагічных патрабаванняў, рабоце харчаблокаў. Асноўны пасыл - дысцыпліна і парадак.

Паводле інфармацыі органаў кіравання ў сферы адукацыі, на 1 верасня будзе функцыянаваць 3762 установы адукацыі, якія рэалізуюць адукацыйную праграму дашкольнай адукацыі, адукацыйную праграму спецыяльнай адукацыі на ўзроўні дашкольнай адукацыі, адукацыйную праграму спецыяльнай адукацыі на ўзроўні дашкольнай адукацыі для асоб з інтэлектуальнай недастатковасцю.

У 2021 годзе запланаваны ўвод у эксплуатацыю 13 устаноў дашкольнай адукацыі. З іх на 16 ліпеня ўведзена ў эксплуатацыю 5 на 959 месцаў. Паводле аператыўнай інфармацыі, да канца года плануецца ўвесці ў эксплуатацыю яшчэ 7 устаноў дашкольнай адукацыі на 1270 месцаў.

Паводле папярэдняй інфармацыі, у 2021/2022 навучальным годзе будуць функцыянаваць 2940 дзяржаўных устаноў адукацыі, якія рэалізуюць адукацыйныя праграмы агульнай сярэдняй адукацыі. Плануецца, што 1 верасня да вучэбных заняткаў пачнуць амаль 1 млн 85 тыс. вучняў, у тым ліку 118 тыс. першакласнікаў. У 2021 годзе запланаваны ўвод 6 устаноў агульнай сярэдняй адукацыі на 5250 месцаў.

Прадаўжаецца пераход на абноўленыя навучальныя праграмы. Зацверджаны абноўленыя навучальныя праграмы па ўсіх вучэбных прадметах для XI класа (базавы і павышаны ўзроўні). У 2021 годзе запланаваны выпуск 8 найменняў вучэбных дапаможнікаў для ўстаноў дашкольнай адукацыі і 112 найменняў падручнікаў і вучэбных дапаможнікаў для ўстаноў агульнай сярэдняй і спецыяльнай адукацыі, у тым ліку 14 новых для XI класа.

З 1 верасня ў штатны расклад устаноў агульнай сярэдняй адукацыі ўводзіцца новая пасада - кіраўнік па ваенна-патрыятычным выхаванні.

"У цэлым неабходна адзначыць, што працэс падрыхтоўкі ўстаноў дашкольнай, агульнай сярэдняй і спецыяльнай адукацыі да пачатку 2021/2022 навучальнага года ажыццяўляецца ў планавым рэжыме. У рэгіёнах з удзелам прадстаўнікоў зацікаўленых ведамстваў пачаўся ўжо іх аб'езд і прыёмка. Падпісанне сертыфікатаў гатоўнасці ўстаноў агульнай сярэдняй адукацыі павінна быць завершана да 20 жніўня, устаноў дашкольнай адукацыі - да 1 снежня", - дадалі ў Мінадукацыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі