ДЗЯРЖОРГАНЫДЗЯРЖОРГАНЫ
Флаг Аўторак, 28 чэрвеня 2022
Мінск +29°C
Усе навіны
Усе навіны
Грамадства
13 снежня 2021, 12:36

Шаўцоў: для бежанцаў у ТЛЦ створаны двухтыднёвы запас гуманітарнай дапамогі

13 снежня, Гродна /Кар. БЕЛТА/. Для бежанцаў у пункце часовага размяшчэння ў транспартна-лагістычным цэнтры "Брузгі" непадалёку ад беларуска-польскай граніцы створаны двухтыднёвы запас гуманітарнай дапамогі. Аб гэтым паведаміў генеральны сакратар Беларускага Чырвонага Крыжа Дзмітрый Шаўцоў, перадае карэспандэнт БЕЛТА.

"Цяпер людзі ў асноўным звяртаюцца з бытавымі пытаннямі. Маці з маленькімі дзецьмі просяць бутэлечкі для кармлення, соскі-пустышкі, тэрмасы. Кожны дзень прывозім рэчы, якія могуць спатрэбіцца", - расказаў ён.

Генсакратар БТЧК таксама адзначыў, што па стане на раніцу 13 снежня валанцёры розных грамадскіх арганізацый раздалі бежанцам больш за 150 т гуманітарнай дапамогі. "У нас створаны запас, каб падтрымліваць жыццядзейнасць лагера на працягу двух тыдняў. Калі параўноўваць аб'ёмы дапамогі, то ад Беларусі яе паступіла прыкладна ў 4 разы больш, чым ад замежных арганізацый. Гэта дапамога як ад арганізацый, прадпрыемстваў, так і простых людзей", - адзначыў Дзмітрый Шаўцоў.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі