30 мая, Мінск /Кар. БЕЛТА/. Апошні званок для вучняў ІХ, ХІ класаў устаноў агульнай сярэдняй адукацыі празвініць сёння, паведамляе БЕЛТА.
Забяспечваць бяспеку ў час урачыстых мерапрыемстваў будуць супрацоўнікі міліцыі.
З 1 па 9 чэрвеня юнакоў і дзяўчат чакае здача выпускных экзаменаў, а затым выпускнікоў чакае ЦТ і ўступная кампанія.
Выпускныя вечары ва ўсёй краіне назначаны на 10 чэрвеня. Міністэрствам адукацыі ўстаноўлены месцы правядзення ўрачыстых мерапрыемстваў - гэта ўстановы агульнай сярэдняй адукацыі, у выключных выпадках - установы дадатковай адукацыі дзяцей і моладзі або ўстановы культуры.
На сёння ў краіне працуюць 2967 устаноў агульнай сярэдняй адукацыі, у якіх вучацца 1 млн 66 тыс. школьнікаў.
У гэтым годзе ІХ клас заканчваюць 97,7 тыс. вучняў, XI клас - 52,3 тыс. юнакоў і дзяўчат.-0-
