Фота з архіва
31 снежня, Мінск /Кар. БЕЛТА/. Урад зацвердзіў дзяржаўную праграму "Забеспячэнне правапарадку" на 2026-2030 гады. Адпаведная пастанова Савета Міністраў ад 23 снежня нумар 752 апублікавана на Нацыянальным прававым інтэрнэт-партале, паведамляе БЕЛТА.
Як адзначаецца, дзяржпраграма распрацавана ў адпаведнасці з прыярытэтнымі задачамі забеспячэння нацыянальнай бяспекі, вызначанымі Канцэпцыяй нацыянальнай бяспекі Рэспублікі Беларусь, зацверджанай рашэннем Усебеларускага народнага сходу ад 25 красавіка 2024 года нумар 5. Дакумент накіраваны на ўдасканаленне ўмоў для эфектыўнага функцыянавання сістэмы забеспячэння нацыянальнай бяспекі.
Мэтай дзяржаўнай праграмы з'яўляецца паляпшэнне ўмоў функцыянавання органаў унутраных спраў, унутраных войскаў МУС і крымінальна-выканаўчай сістэмы. Для дасягнення пастаўленай мэты прадугледжваецца вырашэнне шэрага задач. Па-першае, паляпшэнне стану і тэхнічнай аснашчанасці інфраструктуры для павышэння эфектыўнасці выканання задач, што стаяць перад органамі ўнутраных спраў, захавання законных інтарэсаў грамадзян, грамадства і дзяржавы. Па-другое, інфраструктурнае забеспячэнне ўнутраных войскаў МУС. Па-трэцяе, размяшчэнне, стварэнне ўмоў побыту для асуджаных і грамадзян, а таксама бяспечных умоў для нясення службы супрацоўнікамі і грамадзянскім персаналам крымінальна-выканаўчай сістэмы.
У дакуменце пазначана, што задачы будуць вырашацца шляхам будаўніцтва і рэканструкцыі 12 аб'ектаў органаў унутраных спраў, 10 аб'ектаў унутраных войскаў МУС і 4 аб'ектаў крымінальна-выканаўчай сістэмы. Гэта дазволіць палепшыць умовы нясення службы, прыцягнуць кваліфікаваныя і адказныя кадры, дзейнасць якіх будзе накіравана на захаванне законных інтарэсаў і бяспекі грамадзян і грамадства, уключаючы зніжэнне колькасці злачынстваў супраць жыцця і здароўя, дарожна-транспартных здарэнняў.
Для дасягнення мэты дзяржаўнай праграмы і рэалізацыі задач будуць выкананы зводны мэтавы і мэтавыя паказчыкі.
Фінансаванне мерапрыемстваў будзе ажыццяўляцца ў рамках Дзяржаўнай інвестыцыйнай праграмы, гаворыцца ў дакуменце.
Пастанова ўступае ў сілу з 1 студзеня 2026 года.-0-
Як адзначаецца, дзяржпраграма распрацавана ў адпаведнасці з прыярытэтнымі задачамі забеспячэння нацыянальнай бяспекі, вызначанымі Канцэпцыяй нацыянальнай бяспекі Рэспублікі Беларусь, зацверджанай рашэннем Усебеларускага народнага сходу ад 25 красавіка 2024 года нумар 5. Дакумент накіраваны на ўдасканаленне ўмоў для эфектыўнага функцыянавання сістэмы забеспячэння нацыянальнай бяспекі.
Мэтай дзяржаўнай праграмы з'яўляецца паляпшэнне ўмоў функцыянавання органаў унутраных спраў, унутраных войскаў МУС і крымінальна-выканаўчай сістэмы. Для дасягнення пастаўленай мэты прадугледжваецца вырашэнне шэрага задач. Па-першае, паляпшэнне стану і тэхнічнай аснашчанасці інфраструктуры для павышэння эфектыўнасці выканання задач, што стаяць перад органамі ўнутраных спраў, захавання законных інтарэсаў грамадзян, грамадства і дзяржавы. Па-другое, інфраструктурнае забеспячэнне ўнутраных войскаў МУС. Па-трэцяе, размяшчэнне, стварэнне ўмоў побыту для асуджаных і грамадзян, а таксама бяспечных умоў для нясення службы супрацоўнікамі і грамадзянскім персаналам крымінальна-выканаўчай сістэмы.
У дакуменце пазначана, што задачы будуць вырашацца шляхам будаўніцтва і рэканструкцыі 12 аб'ектаў органаў унутраных спраў, 10 аб'ектаў унутраных войскаў МУС і 4 аб'ектаў крымінальна-выканаўчай сістэмы. Гэта дазволіць палепшыць умовы нясення службы, прыцягнуць кваліфікаваныя і адказныя кадры, дзейнасць якіх будзе накіравана на захаванне законных інтарэсаў і бяспекі грамадзян і грамадства, уключаючы зніжэнне колькасці злачынстваў супраць жыцця і здароўя, дарожна-транспартных здарэнняў.
Для дасягнення мэты дзяржаўнай праграмы і рэалізацыі задач будуць выкананы зводны мэтавы і мэтавыя паказчыкі.
Фінансаванне мерапрыемстваў будзе ажыццяўляцца ў рамках Дзяржаўнай інвестыцыйнай праграмы, гаворыцца ў дакуменце.
Пастанова ўступае ў сілу з 1 студзеня 2026 года.-0-
Падпісвайцеся на нас у
