21 ліпеня, Мінск /Кар. БЕЛТА/. Кантакты паміж парламентарыямі Беларусі і Ірана значна інтэнсіфікаваліся, заявіў журналістам старшыня Пастаяннай камісіі па міжнародных справах Палаты прадстаўнікоў Сяргей Рачкоў, перадае карэспандэнт БЕЛТА.
Сёння адбылася сустрэча намесніка старшыні Палаты прадстаўнікоў Вадзіма Іпатава з іранскай парламенцкай дэлегацыяй на чале з кіраўніком рабочай групы Сходу ісламскага савета Ірана па супрацоўніцтве з Нацыянальным сходам Беларусі Аліясгарам Багерзадэ. Таксама адбылося сумеснае пасяджэнне рабочай групы Нацыянальнага сходу Рэспублікі Беларусь па супрацоўніцтве з парламентам Ісламскай Рэспублікі Іран і рабочай групы Сходу ісламскага савета Ісламскай Рэспублікі Іран па супрацоўніцтве з Нацыянальным сходам.
"Абмеркавалі развіццё палітычных кантактаў і на гэтым фоне - развіццё міжпарламенцкага ўзаемадзеяння. У апошнія гады ў нас значна інтэнсіфікаваліся сувязі і сустрэчы паміж парламентарыямі Беларусі і Ірана. Мы пацвердзілі нашу зацікаўленасць прыняць з афіцыйным візітам старшыню парламента Ірана. Звярнулі асаблівую ўвагу на пытанні развіцця гандлёва-эканамічнага супрацоўніцтва. Дамовіліся, што парламентарыі Беларусі і Расіі возьмуць на жорсткі кантроль рэалізацыю дамоўленасцей на вышэйшым і высокім узроўні па развіцці эканамічных адносін. Будзем выкарыстоўваць магчымасці парламентарыяў, каб рэалізаваць дарожную карту паміж дзвюма краінамі, якая разлічана да 2026 года", - расказаў Сяргей Рачкоў.
Паводле яго слоў, асаблівая ўвага ўдзелена пытанням ратыфікацыі міжнародных дагавораў, якія заключаюцца паміж Беларуссю і Іранам. "Тут ёсць яшчэ над чым нам працаваць. Перш за ўсё неабходна паскараць працэс унутрыдзяржаўнага ўзгаднення неабходных дакументаў. Мы вызначылі часовыя рамкі для завяршэння ратыфікацыі шэрага дагавораў, якія заключаны паміж нашымі краінамі", - адзначыў парламентарый.
"Мы вельмі актыўна працуем на міжнародных парламенцкіх пляцоўках, у прыватнасці на пляцоўцы БРІКС. Нядаўна адбыўся Парламенцкі форум БРІКС у Бразіліі, дзе наша дэлегацыя таксама сустракалася з іранскай парламенцкай дэлегацыяй. Значыць, гэта падкрэслівае вялікую зацікаўленасць дзвюх краін у развіцці як міжпарламенцкага ўзаемадзеяння, так і супрацоўніцтва ў сферы палітыкі, эканомікі, гуманітарнай сферы. У нас намечаны канкрэтныя планы двухбаковых мерапрыемстваў. Гэта не толькі візіты, а мерапрыемствы, звязаныя з паглыбленнем двухбаковых адносін ва ўсіх сферах", - дапоўніў Сяргей Рачкоў.
Па запрашэнні Палаты прадстаўнікоў іранская парламенцкая дэлегацыя на чале з кіраўніком рабочай групы Сходу ісламскага савета Ісламскай Рэспублікі Іран па супрацоўніцтве з Нацыянальным сходам Рэспублікі Беларусь Аліясгарам Багерзадэ наведвае Беларусь з візітам. Акрамя сустрэч у Палаце прадстаўнікоў запланавана наведванне шэрага беларускіх прадпрыемстваў у галіне машынабудавання, Беларускага дзяржаўнага медыцынскага ўніверсітэта, Нацыянальнай бібліятэкі, мемарыяльнага комплексу "Хатынь".
У Нацыянальным сходзе Рэспублікі Беларусь восьмага склікання рабочая група па супрацоўніцтве з Парламентам Ісламскай Рэспублікі Іран створана ў маі 2024 года. Кіраўніком групы з'яўляецца старшыня Пастаяннай камісіі па міжнародных справах Сяргей Рачкоў. Дзейнасць гэтай парламенцкай структуры накіравана на аказанне садзейнічання развіццю беларуска-іранскіх адносін з выкарыстаннем метадаў парламенцкай дыпламатыі.-0-
Сёння адбылася сустрэча намесніка старшыні Палаты прадстаўнікоў Вадзіма Іпатава з іранскай парламенцкай дэлегацыяй на чале з кіраўніком рабочай групы Сходу ісламскага савета Ірана па супрацоўніцтве з Нацыянальным сходам Беларусі Аліясгарам Багерзадэ. Таксама адбылося сумеснае пасяджэнне рабочай групы Нацыянальнага сходу Рэспублікі Беларусь па супрацоўніцтве з парламентам Ісламскай Рэспублікі Іран і рабочай групы Сходу ісламскага савета Ісламскай Рэспублікі Іран па супрацоўніцтве з Нацыянальным сходам.
"Абмеркавалі развіццё палітычных кантактаў і на гэтым фоне - развіццё міжпарламенцкага ўзаемадзеяння. У апошнія гады ў нас значна інтэнсіфікаваліся сувязі і сустрэчы паміж парламентарыямі Беларусі і Ірана. Мы пацвердзілі нашу зацікаўленасць прыняць з афіцыйным візітам старшыню парламента Ірана. Звярнулі асаблівую ўвагу на пытанні развіцця гандлёва-эканамічнага супрацоўніцтва. Дамовіліся, што парламентарыі Беларусі і Расіі возьмуць на жорсткі кантроль рэалізацыю дамоўленасцей на вышэйшым і высокім узроўні па развіцці эканамічных адносін. Будзем выкарыстоўваць магчымасці парламентарыяў, каб рэалізаваць дарожную карту паміж дзвюма краінамі, якая разлічана да 2026 года", - расказаў Сяргей Рачкоў.
Паводле яго слоў, асаблівая ўвага ўдзелена пытанням ратыфікацыі міжнародных дагавораў, якія заключаюцца паміж Беларуссю і Іранам. "Тут ёсць яшчэ над чым нам працаваць. Перш за ўсё неабходна паскараць працэс унутрыдзяржаўнага ўзгаднення неабходных дакументаў. Мы вызначылі часовыя рамкі для завяршэння ратыфікацыі шэрага дагавораў, якія заключаны паміж нашымі краінамі", - адзначыў парламентарый.
"Мы вельмі актыўна працуем на міжнародных парламенцкіх пляцоўках, у прыватнасці на пляцоўцы БРІКС. Нядаўна адбыўся Парламенцкі форум БРІКС у Бразіліі, дзе наша дэлегацыя таксама сустракалася з іранскай парламенцкай дэлегацыяй. Значыць, гэта падкрэслівае вялікую зацікаўленасць дзвюх краін у развіцці як міжпарламенцкага ўзаемадзеяння, так і супрацоўніцтва ў сферы палітыкі, эканомікі, гуманітарнай сферы. У нас намечаны канкрэтныя планы двухбаковых мерапрыемстваў. Гэта не толькі візіты, а мерапрыемствы, звязаныя з паглыбленнем двухбаковых адносін ва ўсіх сферах", - дапоўніў Сяргей Рачкоў.
Па запрашэнні Палаты прадстаўнікоў іранская парламенцкая дэлегацыя на чале з кіраўніком рабочай групы Сходу ісламскага савета Ісламскай Рэспублікі Іран па супрацоўніцтве з Нацыянальным сходам Рэспублікі Беларусь Аліясгарам Багерзадэ наведвае Беларусь з візітам. Акрамя сустрэч у Палаце прадстаўнікоў запланавана наведванне шэрага беларускіх прадпрыемстваў у галіне машынабудавання, Беларускага дзяржаўнага медыцынскага ўніверсітэта, Нацыянальнай бібліятэкі, мемарыяльнага комплексу "Хатынь".
У Нацыянальным сходзе Рэспублікі Беларусь восьмага склікання рабочая група па супрацоўніцтве з Парламентам Ісламскай Рэспублікі Іран створана ў маі 2024 года. Кіраўніком групы з'яўляецца старшыня Пастаяннай камісіі па міжнародных справах Сяргей Рачкоў. Дзейнасць гэтай парламенцкай структуры накіравана на аказанне садзейнічання развіццю беларуска-іранскіх адносін з выкарыстаннем метадаў парламенцкай дыпламатыі.-0-
Падпісвайцеся на нас у
