Фота з архіва
9 жніўня, Мінск /Кар. БЕЛТА/. Кіраўнік ДУ "Магілёўскі абласны цэнтр па забеспячэнні дзейнасці ўстаноў адукацыі" Ганна Сіманоўская ў праекце БЕЛТА "Краіна гаворыць" расказала, як у рэгіёне прайшоў эксперымент па школьным харчаванні, якія стравы больш за ўсё падабаюцца дзецям.
"У Магілёўскай вобласці ў пілотным праекце ўдзельнічалі тры школы: дзве гарадскія, адна школа з падвозам дзяцей. Сутнасць эксперымента па харчаванні заключалася ў змяншэнні адходаў, гэта была асноўная мэта. Для гэтага было распрацавана больш як 300 тэхналагічных карт. Кожнай вобласці хацелася ўкараніць гэты праект са сваёй адметнай асаблівасцю, таму ў Магілёўскай вобласці прыдумалі Дзень беларускай кухні. Яго ўкаранілі ў чацвер ва ўсіх установах адукацыі для папулярызацыі беларускіх страў, сярод якіх, напрыклад, боршч з пампушкамі, дранікі, бабка, напітак "Палессе". Працэнт адходаў на выхадзе гэтага пілотнага праекта ў маі склаў 12-20 працэнтаў, мы канстатавалі змяншэнне. Калі мы ў час эксперымента выяўлялі не папулярныя ў дзяцей стравы, мы адразу ж карэкціравалі меню: новыя тэхналагічныя карты праходзілі санітарна-гігіенічную экспертызу ў органах аховы здароўя, і ўкаранялася новае меню. Больш за ўсё дзецям спадабалася запяканка "Зебра", гэта новая страва, якая складаецца з шакаладных і белых слаёў. Таксама на ўра ідуць залацістыя курыныя шашлычкі. Малодшыя класы вельмі любяць амлет", - расказала Ганна Сіманоўская.
Яна падкрэсліла, што разам з тым ніхто не адмяняў натуральныя нормы. "Трэба дзецям даваць і агародніну, і пячонку, і рыбу. Пячонку мы спрабавалі неяк схаваць - прыдумалі катлету "Дзень/ноч" (унутры пячонка, а зверху курынае філе). Акрамя таго, было дадзена даручэнне нашым рэгіянальным вытворцам укараніць новыя віды прадукцыі на вытворчасці. Напрыклад, "Бабулінай крынкай" была выпушчана лінейка ёгуртаў, кактэйлі; мясакамбінатам - пельмені для дзіцячага харчавання, прайшлі сертыфікацыю сасіскі", - праінфармавала кіраўнік.
Эксперымент па харчаванні прадаўжаўся да 1 студзеня, пасля чаго да яго далучылася яшчэ 266 устаноў рэгіёна. Астатнія 46 школ вобласці пяройдуць на новае харчаванне з 1 верасня. Па аналагічнай схеме праходзіў эксперымент і ў астатніх рэгіёнах краіны. З пачатку навучальнага года ўсе школы Беларусі пяройдуць на новую арганізацыю харчавання вучняў.
Начальнік упраўлення арганізацыі гандлю і грамадскага харчавання Міністэрства антыманапольнага рэгулявання і гандлю Наталля Мельнікава адзначыла, што для складання школьнага меню даступны каля 300 варыянтаў страў.
"Тэхналагічныя карты распрацаваны. Стравы доўга выбіраліся, быў конкурс, анкетавалі і бацькоў, і дзяцей, гэта значыць работа праведзена вялікая. Гэты навучальны год нам пакажа вынік праекта. Уся інфармацыя будзе канцэнтравацца і разглядацца нават на ўзроўні ўрада. Магчыма, будзе і карэкціроўка, але эксперымент завершаны", - дадала яна.-0-
*Праект створаны за кошт сродкаў мэтавага збору на вытворчасць нацыянальнага кантэнту.
"У Магілёўскай вобласці ў пілотным праекце ўдзельнічалі тры школы: дзве гарадскія, адна школа з падвозам дзяцей. Сутнасць эксперымента па харчаванні заключалася ў змяншэнні адходаў, гэта была асноўная мэта. Для гэтага было распрацавана больш як 300 тэхналагічных карт. Кожнай вобласці хацелася ўкараніць гэты праект са сваёй адметнай асаблівасцю, таму ў Магілёўскай вобласці прыдумалі Дзень беларускай кухні. Яго ўкаранілі ў чацвер ва ўсіх установах адукацыі для папулярызацыі беларускіх страў, сярод якіх, напрыклад, боршч з пампушкамі, дранікі, бабка, напітак "Палессе". Працэнт адходаў на выхадзе гэтага пілотнага праекта ў маі склаў 12-20 працэнтаў, мы канстатавалі змяншэнне. Калі мы ў час эксперымента выяўлялі не папулярныя ў дзяцей стравы, мы адразу ж карэкціравалі меню: новыя тэхналагічныя карты праходзілі санітарна-гігіенічную экспертызу ў органах аховы здароўя, і ўкаранялася новае меню. Больш за ўсё дзецям спадабалася запяканка "Зебра", гэта новая страва, якая складаецца з шакаладных і белых слаёў. Таксама на ўра ідуць залацістыя курыныя шашлычкі. Малодшыя класы вельмі любяць амлет", - расказала Ганна Сіманоўская.
Яна падкрэсліла, што разам з тым ніхто не адмяняў натуральныя нормы. "Трэба дзецям даваць і агародніну, і пячонку, і рыбу. Пячонку мы спрабавалі неяк схаваць - прыдумалі катлету "Дзень/ноч" (унутры пячонка, а зверху курынае філе). Акрамя таго, было дадзена даручэнне нашым рэгіянальным вытворцам укараніць новыя віды прадукцыі на вытворчасці. Напрыклад, "Бабулінай крынкай" была выпушчана лінейка ёгуртаў, кактэйлі; мясакамбінатам - пельмені для дзіцячага харчавання, прайшлі сертыфікацыю сасіскі", - праінфармавала кіраўнік.
Эксперымент па харчаванні прадаўжаўся да 1 студзеня, пасля чаго да яго далучылася яшчэ 266 устаноў рэгіёна. Астатнія 46 школ вобласці пяройдуць на новае харчаванне з 1 верасня. Па аналагічнай схеме праходзіў эксперымент і ў астатніх рэгіёнах краіны. З пачатку навучальнага года ўсе школы Беларусі пяройдуць на новую арганізацыю харчавання вучняў.
Начальнік упраўлення арганізацыі гандлю і грамадскага харчавання Міністэрства антыманапольнага рэгулявання і гандлю Наталля Мельнікава адзначыла, што для складання школьнага меню даступны каля 300 варыянтаў страў.
"Тэхналагічныя карты распрацаваны. Стравы доўга выбіраліся, быў конкурс, анкетавалі і бацькоў, і дзяцей, гэта значыць работа праведзена вялікая. Гэты навучальны год нам пакажа вынік праекта. Уся інфармацыя будзе канцэнтравацца і разглядацца нават на ўзроўні ўрада. Магчыма, будзе і карэкціроўка, але эксперымент завершаны", - дадала яна.-0-
*Праект створаны за кошт сродкаў мэтавага збору на вытворчасць нацыянальнага кантэнту.
Падпісвайцеся на нас у
