27 сакавіка, Шклоў /Кар. БЕЛТА/. У Беларусі нарошчваюць аб'ёмы вытворчасці пасажырскага транспарту. Аб гэтым журналістам расказаў намеснік прэм'ер-міністра Пётр Пархомчык у час урачыстай перадачы Шклоўскаму раёну 15 пасажырскіх электробусаў, перадае карэспандэнт БЕЛТА.
Паводле слоў Пятра Пархомчыка, цяпер перад прамысловымі прадпрыемствамі стаіць задача нарошчваць аб'ёмы вытворчасці, а таксама задаволіць усе патрэбнасці ў электробусах.
"Заказаў шмат. І гэта няпростая задача - павялічваць вытворчасць пасажырскага транспарту. Так, "Белкамунмаш" у сярэднім вырабляў у межах 130-140 машын у год. У мінулым годзе тут вырабілі каля 260-270 адзінак пасажырскага транспарту. Сюды ўваходзяць усе віды, - расказаў ён. - Яшчэ адна задача - наблізіцца да паказчыка каля 400. Мы разумеем, якая гэта складаная задача для прадпрыемства, аднак патрабуем, каб былі створаны адпаведныя вытворчыя магутнасці, і завод выйшаў на вытворчасць абазначанай колькасці тэхнікі, у ліку якой трамваі, тралейбусы з аўтаномным ходам і электробусы".
"Гэта сукупнасць усіх гэтых фактараў. Паколькі сучасныя электробусы - гэта не толькі эканомія дызельнага паліва. Яны дапамагаюць вырашыць экалагічныя пытанні, якія сёння актуальны для кожнага рэгіёна, - сказаў ён. - Сёння электробус - гэта самы сучасны від транспарту. І нашы машыны ні ў якай меры не ўступаюць імпартным аналагам. І прадпрыемства, якое выканала заказ для Шклоўскага раёна, загружана заказам не толькі на 2024 год, але і на 2025 год заключаем кантракты, прырастаючы з году ў год у двухразовым аб'ёме прамысловай вытворчасці".
"У маштабах краіны падпісана адпаведная праграма па развіцці электратранспарту. І, вядома, пры падтрымцы губернатараў мы будзем рэалізоўваць такія пілотныя праекты ў цэлым па краіне. Пасля таго, як мы ацэнім вынікі работы электробусаў у Магілёўскай і Мінскай абласцях, мы будзем гэту праграму прадаўжаць", - рэзюмаваў Аляксандр Рагожнік.-0-
Фота Алега Файніцкага