"Непрыемна, але без асаблівых наступстваў". Як справіліся і хто прайграў ад закрыцця граніц, расказалі ў ДМК

29 верасня, Мінск /Кар. БЕЛТА/. Як справіліся і хто прайграў ад закрыцця руху на граніцы ў беларуска-польскім напрамку, расказаў старшыня ДМК Уладзімір Арлоўскі ў інтэрв'ю тэлеканалу СТБ, паведамляе БЕЛТА.

Той, хто прайграў ад закрыцця, той і выйграў ад адкрыцця, абзначыў Уладзімір Арлоўскі. "Вядома, у першую чаргу гэта польскі бок. Таксама закрыццё граніцы дрэнна дзейнічала і на транзіт, і на беларускія грузы. Вядома, адкрыццё граніцы добра для двух бакоў, і ўсё ж такі ў першую чаргу - для польскага", - падкрэсліў ён.

Гэтыя дні не прынеслі значнага ўрону беларускай эканоміцы, запэўніў старшыня ДМК. "Тыя грузы, якія павінны былі выйсці ў Еўропу, выйшлі. Імпарт, які чакаўся, быў не крытычны. Недзе такой крытычнай адсутнасці сыравіны альбо камплектуючых для нейкага прадпрыемства мы не назіралі. Скажам, было непрыемна, але без асаблівых наступстваў", - пракаменціраваў ён.

Адносна паставак кветак або іншага скорапсавальнага тавару, які не мог чакаць 10 сутак - два тыдні, былі прыняты аператыўныя рашэнні. "Дзе змаглі, перагрузілі ў іншыя грузавікі, якія пайшлі праз іншы напрамак. А тыя грузы, якія ў дарозе могуць знаходзіцца больш доўгі час, дачакаліся свайго перасячэння граніцы", - растлумачыў Уладзімір Арлоўскі.-0-