28 жніўня, Мінск /Кар. БЕЛТА/. Дырэктар Старадарожскага доследнага лясгаса Сяргей Арцёмчык у YouTube-праекце БЕЛТА "Па факце: рашэнні Першага" расказаў, як у лясгасе арганізавана вытворчасць драўляных домакамплектаў.
Цяпер на базе лясгасаў па ўсёй краіне створана 25 вытворчасцей па выпуску домакамплектаў. У бліжэйшы час плануецца адкрыць яшчэ сем цэхаў. Каб даведацца, як арганізавана вытворчасць зрубаў, мы накіраваліся ў Старыя Дарогі. Папулярнасць прадукцыі мясцовага лясгаса выйшла не толькі за межы раёна і вобласці - домакамплекты тут заказваюць жыхары розных рэгіёнаў Беларусі.
Станкі ў цэху працуюць у аўтаматычным рэжыме, а значыць, чалавечы фактар пры апрацоўцы бярвён выключаны. Аператары толькі кантралююць працэс і сочаць за абсталяваннем. "Як толькі мы вырабілі домакамплект, звонім пакупнікам і паведамляем аб гатоўнасці. Яны прыязджаюць, аглядаюць яго, робяць прыёмку і забіраюць, - дадаў дырэктар лясгаса. - У нас тыпавы праект, кожнае бервяно падпісана, ужо ўсё падагнана. Трэба толькі сабраць".
Цяпер на базе лясгасаў па ўсёй краіне створана 25 вытворчасцей па выпуску домакамплектаў. У бліжэйшы час плануецца адкрыць яшчэ сем цэхаў. Каб даведацца, як арганізавана вытворчасць зрубаў, мы накіраваліся ў Старыя Дарогі. Папулярнасць прадукцыі мясцовага лясгаса выйшла не толькі за межы раёна і вобласці - домакамплекты тут заказваюць жыхары розных рэгіёнаў Беларусі.
"У лістападзе 2023 года мы запусцілі новы цэх - па выпуску ацыліндраваных вырабаў. У гэтым цэху мы вырабляем домакамплекты, лазнекамплекты і альтанкі. Сыравіна, якая паступае ў гэты цэх, праходзіць якаснае сартаванне, яна без заган, без прыкмет пашкоджанняў. У гэтым цэху працуюць два чалавекі, і ў сярэднім за месяц яны вырабляюць 60 кубоў гатовага вырабу - гэта каля двух невялікіх домакамплектаў", - расказаў дырэктар Старадоражскага доследнага лясгаса Сяргей Арцёмчык.
"Не дарма нашы дзяды і прадзеды будавалі з дрэва, гэта натуральны матэрыял. Людзі цікавяцца, прыязджаюць. Знаёмяцца з праектамі. Да нас паступае вельмі шмат званкоў, усе хочуць набыць гэтыя домакамплекты. Аднак у сувязі з тым, што ў нас абмежаваны аб'ём вытворчасці, мы не можам задаволіць усе заяўкі. Таму, я думаю, у Мінскай вобласці ў гэтым годзе і наступным будуць запускацца дадатковыя магутнасці, каб задаволіць патрэбнасці насельніцтва", - адзначыў Сяргей Арцёмчык.-0-
Падпісвайцеся на нас у
