Фота з архіва
7 кастрычніка, Мінск /Кар. БЕЛТА/. Рэлігійны турызм дазваляе азнаёміцца з гісторыка-культурнай спадчынай канфесій Беларусі. Такое меркаванне выказала намеснік дырэктара Нацыянальнага агенцтва па турызме Ганна Вашчынчук на прэс-канферэнцыі "Рэлігійны турызм Беларусі: сучасны стан і перспектывы развіцця", перадае карэспандэнт БЕЛТА.
Ганна Вашчынчук адзначыла, што наведванне культавых збудаванняў прыцягвае не толькі паломнікаў, але і падарожнікаў. У якасці прыкладу яна прывяла Бабруйск, які быў цэнтрам культурнага і палітычнага жыцця беларускага яўрэйства, Іўе - сімвал рэлігійнай талерантнасці. Кожны год на Мядовы спас на Блакітную крыніцу ў Слаўгарадскі раён з'язджаюцца тысячы чалавек з розных куткоў Беларусі і суседняй Расіі.
"Вядзецца работа па абнаўленні кантрольных тэкстаў экскурсій і тэхналагічных карт, таму што экскурсаводы - тыя праваднікі, дзякуючы якім турыст, які прыехаў у Беларусь, знаёміцца з рэлігійнымі аб'ектамі, стварае сваё ўяўленне, сістэму ведаў аб тым, што такое Беларусь рэлігійная. Актыўна працуем у гэтым напрамку. У нас многае атрымліваецца, супрацоўнічаем з прымаючым бокам - усе ідуць насустрач" - адзначыла Ганна Вашчынчук.
Нацыянальнае агенцтва па турызме падрыхтавала дапаможнік з метадычнымі рэкамендацыямі па распрацоўцы і правядзенні экскурсій па рэлігійных аб'ектах для прадстаўнікоў турыстычнай індустрыі - экскурсаводаў, гідаў-перакладчыкаў. У ім прадстаўлена як гісторыя развіцця канфесій на тэрыторыі Беларусі, так і інфармацыя аб храмах, рэлігіях. Удзелена ў тым ліку ўвага тэме, як паводзіць сябе, наведваючы святыні. Акрамя друкаванага варыянта даступна PDF-версія на сайце агенцтва.
Як паведамлялася, кожны месяц у Беларусі прысвечаны аднаму з 13 відаў турызму. Кастрычнік пройдзе пад знакам рэлігійнага турызму. У рэспубліцы прадстаўлена каля 1,4 тыс. рэлігійных аб'ектаў, уключаных у турыстычныя маршруты, з іх 400 знаходзяцца ў Брэсцкай вобласці, 50 - у Гомельскай, 460 - у Гродзенскай, 123 - у Мінскай, 69 - у Магілёўскай і 20 - у Мінску".
За мінулы год у краіне праведзена больш за 7 тыс. экскурсій па аб'ектах рэлігійнага турызму, распрацавана або абноўлена каля 130 экскурсійных маршрутаў рэлігійнай тэматыкі.
У Нацыянальным агенцтве па турызме рэкамендуюць наведаць такія ўнікальныя мясціны, як Спаса-Праабражэнская царква і Сафійскі сабор у Полацку, Барысаглебская (Каложская) царква ў Гродне, Свята-Мікольскі жаночы манастыр у Магілёве. Таксама варта ўключыць у маршрут культавыя збудаванні абарончага тыпу - касцёл Святога Яна Хрысціцеля ў вёсцы Камаі Пастаўскага раёна, царкву-крэпасць Свята-Раства Багародзіцы ў вёсцы Мураванка Шчучынскага раёна, царкву Святога Міхаіла ў вёсцы Сынковічы Зэльвенскага раёна, драўляныя цэрквы Палесся. Гэтыя аб'екты ўнесены ў папярэдні Спіс сусветнай спадчыны ЮНЕСКА.
У месяц рэлігійнага турызму запланаваны прэс-канферэнцыі, семінары, круглыя сталы, экскурсіі, выставы і іншыя мерапрыемствы. Яны дадуць магчымасць павысіць цікавасць да Беларусі як да турыстычнага напрамку, прыцягнуць увагу міжнароднай аўдыторыі, прадэманстраваць багацце культуры і гісторыі краіны, а таксама стымуляваць развіццё турызму ў розных рэгіёнах Беларусі.
У рэспубліканскім турыстычным конкурсе "Пазнай Беларусь" у 2023 годзе пераможцам у намінацыі "Аб'ект рэлігійнага турызму года" стаў Свята-Успенскі Жыровіцкі стаўрапігіяльны мужчынскі манастыр.-0-
Ганна Вашчынчук адзначыла, што наведванне культавых збудаванняў прыцягвае не толькі паломнікаў, але і падарожнікаў. У якасці прыкладу яна прывяла Бабруйск, які быў цэнтрам культурнага і палітычнага жыцця беларускага яўрэйства, Іўе - сімвал рэлігійнай талерантнасці. Кожны год на Мядовы спас на Блакітную крыніцу ў Слаўгарадскі раён з'язджаюцца тысячы чалавек з розных куткоў Беларусі і суседняй Расіі.
"Вядзецца работа па абнаўленні кантрольных тэкстаў экскурсій і тэхналагічных карт, таму што экскурсаводы - тыя праваднікі, дзякуючы якім турыст, які прыехаў у Беларусь, знаёміцца з рэлігійнымі аб'ектамі, стварае сваё ўяўленне, сістэму ведаў аб тым, што такое Беларусь рэлігійная. Актыўна працуем у гэтым напрамку. У нас многае атрымліваецца, супрацоўнічаем з прымаючым бокам - усе ідуць насустрач" - адзначыла Ганна Вашчынчук.
Нацыянальнае агенцтва па турызме падрыхтавала дапаможнік з метадычнымі рэкамендацыямі па распрацоўцы і правядзенні экскурсій па рэлігійных аб'ектах для прадстаўнікоў турыстычнай індустрыі - экскурсаводаў, гідаў-перакладчыкаў. У ім прадстаўлена як гісторыя развіцця канфесій на тэрыторыі Беларусі, так і інфармацыя аб храмах, рэлігіях. Удзелена ў тым ліку ўвага тэме, як паводзіць сябе, наведваючы святыні. Акрамя друкаванага варыянта даступна PDF-версія на сайце агенцтва.
Як паведамлялася, кожны месяц у Беларусі прысвечаны аднаму з 13 відаў турызму. Кастрычнік пройдзе пад знакам рэлігійнага турызму. У рэспубліцы прадстаўлена каля 1,4 тыс. рэлігійных аб'ектаў, уключаных у турыстычныя маршруты, з іх 400 знаходзяцца ў Брэсцкай вобласці, 50 - у Гомельскай, 460 - у Гродзенскай, 123 - у Мінскай, 69 - у Магілёўскай і 20 - у Мінску".
За мінулы год у краіне праведзена больш за 7 тыс. экскурсій па аб'ектах рэлігійнага турызму, распрацавана або абноўлена каля 130 экскурсійных маршрутаў рэлігійнай тэматыкі.
У Нацыянальным агенцтве па турызме рэкамендуюць наведаць такія ўнікальныя мясціны, як Спаса-Праабражэнская царква і Сафійскі сабор у Полацку, Барысаглебская (Каложская) царква ў Гродне, Свята-Мікольскі жаночы манастыр у Магілёве. Таксама варта ўключыць у маршрут культавыя збудаванні абарончага тыпу - касцёл Святога Яна Хрысціцеля ў вёсцы Камаі Пастаўскага раёна, царкву-крэпасць Свята-Раства Багародзіцы ў вёсцы Мураванка Шчучынскага раёна, царкву Святога Міхаіла ў вёсцы Сынковічы Зэльвенскага раёна, драўляныя цэрквы Палесся. Гэтыя аб'екты ўнесены ў папярэдні Спіс сусветнай спадчыны ЮНЕСКА.
У месяц рэлігійнага турызму запланаваны прэс-канферэнцыі, семінары, круглыя сталы, экскурсіі, выставы і іншыя мерапрыемствы. Яны дадуць магчымасць павысіць цікавасць да Беларусі як да турыстычнага напрамку, прыцягнуць увагу міжнароднай аўдыторыі, прадэманстраваць багацце культуры і гісторыі краіны, а таксама стымуляваць развіццё турызму ў розных рэгіёнах Беларусі.
У рэспубліканскім турыстычным конкурсе "Пазнай Беларусь" у 2023 годзе пераможцам у намінацыі "Аб'ект рэлігійнага турызму года" стаў Свята-Успенскі Жыровіцкі стаўрапігіяльны мужчынскі манастыр.-0-
Падпісвайцеся на нас у
