Фота МУС
20 снежня, Мінск /Кар. БЕЛТА/. У Спецыялізаваным ліцэі МУС прайшло навагодняе свята. Павіншаваць навучэнцаў прыбыла дэлегацыя МУС на чале з міністрам унутраных спраў Іванам Кубраковым. Аб гэтым БЕЛТА паведамілі ў МУС.
У ліцэі ганаровых гасцей чакала ўпрыгожаная ёлка, дзе ўсе жадаючыя маглі праявіць сябе ў музычным конкурсе "Адгадай мелодыю".
"Стала добрай традыцыяй напярэдадні Новага года сустракацца з ліцэістамі. Вы - наша будучыня! - адзначыў міністр. - Мы перадаём лепшае, што ў нас ёсць, робім усё для вашага дастойнага навучання і развіцця. Ведайце: мы заўсёды побач, падтрымаем словам і справай. Няхай здзяйсняюцца мары! Здароўя, удачы і поспехаў!"
Асаблівыя словы ўдзячнасці кіраўнік ведамства адрасаваў педагогам, якія ўкладваюць усю душу, а таксама бацькам ліцэістаў за выхаванне дастойных грамадзян краіны.
Маладыя людзі прадэманстравалі свае творчыя таленты, а ансамбль песні і танца ўнутраных войскаў прадставіў насычаную канцэртную праграму. Кожнаму ліцэісту дастаўся салодкі падарунак, папоўнілася і матэрыяльна-тэхнічная база навучальнай установы.
У ліцэі ганаровых гасцей чакала ўпрыгожаная ёлка, дзе ўсе жадаючыя маглі праявіць сябе ў музычным конкурсе "Адгадай мелодыю".
"Стала добрай традыцыяй напярэдадні Новага года сустракацца з ліцэістамі. Вы - наша будучыня! - адзначыў міністр. - Мы перадаём лепшае, што ў нас ёсць, робім усё для вашага дастойнага навучання і развіцця. Ведайце: мы заўсёды побач, падтрымаем словам і справай. Няхай здзяйсняюцца мары! Здароўя, удачы і поспехаў!"
Асаблівыя словы ўдзячнасці кіраўнік ведамства адрасаваў педагогам, якія ўкладваюць усю душу, а таксама бацькам ліцэістаў за выхаванне дастойных грамадзян краіны.
Маладыя людзі прадэманстравалі свае творчыя таленты, а ансамбль песні і танца ўнутраных войскаў прадставіў насычаную канцэртную праграму. Кожнаму ліцэісту дастаўся салодкі падарунак, папоўнілася і матэрыяльна-тэхнічная база навучальнай установы.
На заканчэнне свята выдатнікаў чакала чаяпіцце з міністрам, на якім навучэнцы расказвалі пра свае захапленні і планы на будучыню, падзяліліся запаветнымі марамі. Адну з іх, пра ноўтбук для вучобы, Іван Кубракоў выканаў у гэты ж дзень.
Размаўляючы з журналістамі, міністр адзначыў, што ў акцыі "Нашы дзеці" Міністэрства ўнутраных спраў заўсёды прымае актыўны ўдзел. "Бо чужых дзяцей не бывае! У нашай краіне робіцца ўсё для таго, каб кожнае дзіця было шчаслівае не толькі ў святы, але і ў будні. Міліцэйскае ведамства ўдзяляе вялікую ўвагу рабоце з падрастаючым пакаленнем, аказваючы неабходную дапамогу тым, хто ў ёй мае патрэбу, - падкрэсліў ён. - У бягучым годзе ў нашай міліцэйскай сям'і стала яшчэ больш дзяцей, у тым ліку выхаванцаў патрыятычных клубаў. А гэта звыш 5 тыс. хлопчыкаў і дзяўчынак. Вялікае наша дасягненне - адкрыццё новага ліцэя ў Магілёве. Гэта стала магчымым дзякуючы падтрымцы кіраўніка дзяржавы. Ганарымся, што дзяцей, якія хочуць вучыцца ў ведамасных установах адукацыі, служыць у органах унутраных спраў і ўнутраных войсках, становіцца больш. Хачу сказаць вялікі дзякуй іх бацькам, якія выхоўваюць сапраўдных патрыётаў".
Міністр акцэнтаваў увагу, што дзеці паступаюць у ліцэі са ззяючымі вачамі. "Спачатку, магчыма, нялёгка прывыкнуць да нагрузак, узмоцненых заняткаў фізічнай культурай, абавязковых для кожнага ліцэіста. Але ўжо вельмі хутка відаць вынік: нас сустракаюць падцягнутыя, упэўненыя ў сабе хлопцы. Не важна, дзе яны ў будучым будуць служыць - у Міністэрстве ўнутраных спраў або ў іншым ведамстве сілавога блока. Галоўнае, што вырастуць сапраўднымі абаронцамі Айчыны", - дапоўніў Іван Кубракоў.-0-
Міністр акцэнтаваў увагу, што дзеці паступаюць у ліцэі са ззяючымі вачамі. "Спачатку, магчыма, нялёгка прывыкнуць да нагрузак, узмоцненых заняткаў фізічнай культурай, абавязковых для кожнага ліцэіста. Але ўжо вельмі хутка відаць вынік: нас сустракаюць падцягнутыя, упэўненыя ў сабе хлопцы. Не важна, дзе яны ў будучым будуць служыць - у Міністэрстве ўнутраных спраў або ў іншым ведамстве сілавога блока. Галоўнае, што вырастуць сапраўднымі абаронцамі Айчыны", - дапоўніў Іван Кубракоў.-0-
Падпісвайцеся на нас у
