08 лістапада 2024, 10:25

Картун: беларуская эканоміка павінна расці не менш як на 3 працэнты штогадова, патэнцыял ёсць

Фота з архіва

8 лістапада, Мінск /Кар. БЕЛТА/. Беларуская эканоміка павінна расці не менш як на 3 працэнты штогадова, патэнцыял ёсць. Такое меркаванне выказаў першы намеснік міністра эканомікі Андрэй Картун у праекце БЕЛТА "Краіна гаворыць".

Адносна прагнозаў экспертаў, Андрэй Картун падкрэсліў, што яны могуць не бачыць усёй бягучай сітуацыі, якая адбываецца ў нашай краіне. "Я нават гляджу па нашых калегах, напрыклад, з Еўразійскага фонду стабілізацыі і развіцця - яны з намі ў цеснай узаемазвязцы, але ўсё роўна памыляюцца у песімістычны бок, таму што не адчуваюць сітуацыю і многія перадумовы, можа, упершыню чуюць", - выказаў меркаванне ён.

Паводле яго слоў, штогадовыя прагнозы на ўпадак эканомікі Беларусі ў апошнія гады не апраўдаліся. "Ужо ў 2024-м эксперты падумалі, што паколькі з сярэдзіны 2022-га (эканоміка Беларусі. - Заўвага БЕЛТА) толькі прыбаўляе, то нешта не так у прагнозах. Ужо два гады мы дабаўляем, толькі дабаўляем. Так, ёсць праблемы, я не гавару аб тым, што іх няма. Але, тым не менш, мы ўстойліва дабаўляем", - падкрэсліў спікер.

Першы намеснік міністра адзначыў, што з мінулага года перад эканомікай краіны стаяць задачы па аднаўленні тэмпаў 2022 года, а таксама росце вышэйшым за сусветныя тэмпы (крыху ніжэй за 3 працэнты). "Менш за тры мы не павінны расці. Гэту лічбу мы не проста ўзялі з галавы, а бачым, што патэнцыял у нас да такога росту ёсць. І мы гэта бачым на лічбах, што мы ўжо нават перавышаем 4 працэнты, - звярнуў увагу Андрэй Картун. - У планах у нас захаваць гэтыя тэмпы".-0-

*Праект створаны за кошт сродкаў мэтавага збору на вытворчасць нацыянальнага кантэнту.

Падпісвайцеся на нас у