Карпенка: да выбараў Прэзідэнта Беларусі ў краіне пашырыўся валанцёрскі рух

3 лютага, Мінск /Кар. БЕЛТА/. Да выбараў Прэзідэнта Беларусі ў краіне пашырыўся валанцёрскі рух, паведаміў старшыня Цэнтральнай выбарчай камісіі Ігар Карпенка на пасяджэнні ЦВК, перадае карэспандэнт БЕЛТА.

"Да гэтых выбараў пашырыўся валанцёрскі рух. У яго рады была прыцягнута не толькі моладзь, якая аказвала садзейнічанне камісіям на ўчастках для галасавання, але і валанцёры, якія суправаджалі замежныя дэлегацыі, ажыццяўлялі пераклад, аказвалі садзейнічанне журналістам у Інфармацыйным цэнтры Цэнтральнай камісіі", - расказаў Ігар Карпенка.

У Палацы Рэспублікі напярэдадні і ў дзень выбараў працавала выстаўка "Развіццё выбарчага права ў гістарычнай рэтраспектыве", адбыўся высокамастацкі канцэрт-прэзентацыя Рэспублікі Беларусь, праведзены маладзёжны турнір "Выбар.BY".

"У цэлым хачу адзначыць высокую актыўнасць Маладзёжнага савета пры ЦВК, маладзёжнага выбарчага клуба "Выбар" пры Цэнтры па рабоце з насельніцтвам і выбарчым працэсе Акадэміі кіравання пры Прэзідэнце, клубаў маладых выбаршчыкаў у іншых навучальных установах, Маладзёжнага парламента пры Нацыянальным сходзе Рэспублікі Беларусь, БРСМ, Савета маладых адвакатаў Беларускай рэспубліканскай калегіі адвакатаў, якімі праведзена вялікая і якасная асветная работа ў маладзёжным асяроддзі па падрыхтоўцы да прэзідэнцкай выбарчай кампаніі", - падкрэсліў кіраўнік ЦВК.