20 верасня, Мінскі раён /Кар. БЕЛТА/. У Заслаўі, дзе 20 верасня праходзіць фестываль-кірмаш "Дажынкі", заклалі капсулу пад будучы фізкультурна-аздараўленчы комплекс, перадае карэспандэнт БЕЛТА.
Падарункам для прафесійных спартсменаў і прыхільнікаў здаровага ладу жыцця ў Заслаўі стане новы ФАК, пад фундамент якога была закладзена капсула з пасланнем нашчадкам у час фестывалю-кірмашу. У закладцы капсулы з пасланнем пад першы камень вялікай будоўлі, а таксама ўстаноўцы памятнай шыльды прыняў удзел старшыня Мінскага аблвыканкама Аляксей Кушнарэнка.
ФАК размесціцца на вул. Зарэчнай, узведзены будзе па аналагічным праекце, які быў рэалізаваны ў 2024 годзе ў Фаніпалі. Ён уяўляе сабой трохпавярховы будынак, у якім размесцяцца дзве чашы басейна - малая і вялікая, спартыўныя і трэнажорныя залы, залы для харэаграфіі і інш. Увесці ў эксплуатацыю новы ФАК плануюць у 2027 годзе, генпадрадчык будаўніцтва - Будтрэст нумар 3.-0-
Падпісвайцеся на нас у
