Фота з архіва
2 снежня, Мінск /Кар. БЕЛТА/. Група расійскіх турагентаў у канцы лістапада наведала Беларусь з рэкламна-адукацыйным турам "Беларускі адвент", паведамілі БЕЛТА ў прэс-службе Рэспубліканскага саюза турыстычнай індустрыі (РСТІ).
Праграма ўключала аглядныя экскурсіі па Мінску і Гродне, мемарыял "Хатынь" і Музей Вялікай Айчыннай вайны, замкі ў Міры і Нясвіжы, Нацыянальны мастацкі музей, музей "Краіна міні", а таксама знаёмства з санаторна-курортнай і гасцінічнай базай. Фіналам стала ўручэнне сертыфікатаў, якія пацвярджаюць спецыялізацыю ўдзельнікаў па беларускім напрамку.
Усяго ў складзе дэлегацыі прыехалі 12 чалавек з розных рэгіёнаў Расіі - ад Казані і Пермі да Масквы і Екацярынбурга.
"Беларусь для мяне стала адкрыццём. Я ніколі не прадавала гэты напрамак - проста не хапала інфармацыі, каб зацікавіць кліентаў, - расказала Айгуль Фасхутдзінава з Казані. - Цяпер, убачыўшы ўсё на ўласныя вочы, я добра ведаю, як прадставіць Беларусь турыстам. Гэта недарагі і насычаны напрамак. Асабліва ўразілі Хатынь і замкі - такія мясціны нікога не пакідаюць абыякавым. Ужо ў час туру мне пісалі кліенты, цікавіліся Мінскам, цэнамі на лета і Новы год, як спыніцца ў атэлі ў Мірскім замку. Лічу, што сюды трэба абавязкова з'ездзіць. Нават мужу сказала: "Наступная паездка з табой". Тым больш у нас з Мінскам прамы штотыднёвы рэйс".
Яшчэ адна ўдзельніца туру - Алена Шальнева з Екацярынбурга. Яна лічыць Беларусь ідэальным напрамкам для "інтэлектуальнага турызму". "Гэта краіна для тых, хто любіць гісторыю, архітэктуру, каму важны сэнс і памяць, а не проста пляж і шопінг. Тут адчуваеш сябе як дома: добразычлівыя і адкрытыя людзі, працуюць нашы карткі, няма моўнага бар'ера, спакойна і прасторна, без мітусні і затораў на дарогах. Я рэкамендавала б тур педагогам, гісторыкам, урачам - людзям "40 плюс". Для тых, хто любіць удумліва падарожнічаць, Беларусь - сапраўдная знаходка. Асабліва ўразіў Нацыянальны мастацкі музей - проста казка! Замкі і замкавыя комплексы таксама ўражваюць. А яшчэ ж шмат мясцін, якія мы не паспелі наведаць - напрыклад, Полацк, Брэст, Белавежская пушча", - падзялілася Алена Шальнева.
Юлія Філатава, кіраўнік турагенцтва з Масквы, прызналася, што для яе Беларусь стала 61-й краінай, якую яна наведала, і адной з самых душэўных паездак. "Мінск - чысты, утульны, сучасны. Замкі Мір і Нясвіж - як з фільма. Хатынь кранула да слёз - самы эмацыянальны дзень туру. Для масквічоў гэта бюджэтны напрамак, пры гэтым сэрвіс, культура і добразычлівасць людзей на высокім узроўні. Адзінае, чаго не хапіла - дэгустацыі нацыянальнай кухні, хоць дранікі мы пакаштавалі! Было б здорава арганізаваць гастратур з дэгустацыямі беларускіх страў - гэта таксама частка культурнага кода", - адзначыла Юлія Філатава.
Наталля Уманоўскіх з Іжэўска таксама звярнула ўвагу на недахоп інфармацыі, рэкламы і прэзентацый. "Мы ведалі пра Мінск і Белавежскую пушчу, але не ўяўлялі сабе, што можна сабраць паўнацэнны тур. Цяпер уяўленне аб краіне кардынальна змянілася. Прамых авіязносін няма, але невялікая стыкоўка ў Маскве не стамляе - дарога займае ўсяго паўдня. Для тых, хто хоча змяніць карцінку, паглядзець новую краіну, перазагрузіцца - Беларусь ідэальна падыходзіць. А яшчэ выдатная альтэрнатыва расійскім санаторыям: і па якасці, і па цане".
"Беларускі адвент" стаў практычным трэнінгам для турагентаў. Кожны дзень удзельнікі не толькі аглядалі аб'екты, але і праходзілі тэматычныя семінары: па санаторна-курортным лячэнні, арганізацыі FIT-тураў, развіцці ваенна-патрыятычнага і экскурсійнага турызму.
Арганізатары адзначаюць: цікавасць расійскіх турыстаў да Беларусі расце, але рэгіянальныя агенты ўсё яшчэ мала знаёмы з напрамкам. Намеснік дырэктара "Тракт Груп Бай" (група кампаній "Остервег") Алег Раманенка расказаў, што пасля такіх паездак турпрадукт адкрываецца праз асабісты вопыт і эмоцыі. "У 2026 годзе плануем запусціць больш за восем праграм - ад радыяльных "Мінскіх канікулаў" да кальцавых тураў па ўсёй краіне: ад Гомеля да Брэста, ад Магілёва да Гродна", - паведаміў Алег Раманенка.
Па выніках "Беларускага адвенту" ва ўдзельнікаў ужо з'явіліся першыя запыты кліентаў на тыднёвыя туры па краіне, лячэбныя заезды ў санаторыі, кароткія туры выхаднога дня.
"Мы ўдзячны калегам, якія зрабілі ўсё магчымае, каб знізіць сабекошт інфатуру, - адзначыў старшыня праўлення РСТІ Піліп Гулы. - Асабліва важна, што на гэты раз у ім удзельнічалі менавіта турагенты, якія працуюць на выезд, а не прымаючыя кампаніі, рэгіянальныя музеі або іншыя арганізацыі, якія не адносяцца да выязной дыстрыбуцыі. Гэта дазваляе атрымліваць рэальную зваротную сувязь ад спецыялістаў, якія фарміруюць попыт і ўзаемадзейнічаюць непасрэдна з турыстамі".-0-
Праграма ўключала аглядныя экскурсіі па Мінску і Гродне, мемарыял "Хатынь" і Музей Вялікай Айчыннай вайны, замкі ў Міры і Нясвіжы, Нацыянальны мастацкі музей, музей "Краіна міні", а таксама знаёмства з санаторна-курортнай і гасцінічнай базай. Фіналам стала ўручэнне сертыфікатаў, якія пацвярджаюць спецыялізацыю ўдзельнікаў па беларускім напрамку.
Усяго ў складзе дэлегацыі прыехалі 12 чалавек з розных рэгіёнаў Расіі - ад Казані і Пермі да Масквы і Екацярынбурга.
"Беларусь для мяне стала адкрыццём. Я ніколі не прадавала гэты напрамак - проста не хапала інфармацыі, каб зацікавіць кліентаў, - расказала Айгуль Фасхутдзінава з Казані. - Цяпер, убачыўшы ўсё на ўласныя вочы, я добра ведаю, як прадставіць Беларусь турыстам. Гэта недарагі і насычаны напрамак. Асабліва ўразілі Хатынь і замкі - такія мясціны нікога не пакідаюць абыякавым. Ужо ў час туру мне пісалі кліенты, цікавіліся Мінскам, цэнамі на лета і Новы год, як спыніцца ў атэлі ў Мірскім замку. Лічу, што сюды трэба абавязкова з'ездзіць. Нават мужу сказала: "Наступная паездка з табой". Тым больш у нас з Мінскам прамы штотыднёвы рэйс".
Яшчэ адна ўдзельніца туру - Алена Шальнева з Екацярынбурга. Яна лічыць Беларусь ідэальным напрамкам для "інтэлектуальнага турызму". "Гэта краіна для тых, хто любіць гісторыю, архітэктуру, каму важны сэнс і памяць, а не проста пляж і шопінг. Тут адчуваеш сябе як дома: добразычлівыя і адкрытыя людзі, працуюць нашы карткі, няма моўнага бар'ера, спакойна і прасторна, без мітусні і затораў на дарогах. Я рэкамендавала б тур педагогам, гісторыкам, урачам - людзям "40 плюс". Для тых, хто любіць удумліва падарожнічаць, Беларусь - сапраўдная знаходка. Асабліва ўразіў Нацыянальны мастацкі музей - проста казка! Замкі і замкавыя комплексы таксама ўражваюць. А яшчэ ж шмат мясцін, якія мы не паспелі наведаць - напрыклад, Полацк, Брэст, Белавежская пушча", - падзялілася Алена Шальнева.
Юлія Філатава, кіраўнік турагенцтва з Масквы, прызналася, што для яе Беларусь стала 61-й краінай, якую яна наведала, і адной з самых душэўных паездак. "Мінск - чысты, утульны, сучасны. Замкі Мір і Нясвіж - як з фільма. Хатынь кранула да слёз - самы эмацыянальны дзень туру. Для масквічоў гэта бюджэтны напрамак, пры гэтым сэрвіс, культура і добразычлівасць людзей на высокім узроўні. Адзінае, чаго не хапіла - дэгустацыі нацыянальнай кухні, хоць дранікі мы пакаштавалі! Было б здорава арганізаваць гастратур з дэгустацыямі беларускіх страў - гэта таксама частка культурнага кода", - адзначыла Юлія Філатава.
Наталля Уманоўскіх з Іжэўска таксама звярнула ўвагу на недахоп інфармацыі, рэкламы і прэзентацый. "Мы ведалі пра Мінск і Белавежскую пушчу, але не ўяўлялі сабе, што можна сабраць паўнацэнны тур. Цяпер уяўленне аб краіне кардынальна змянілася. Прамых авіязносін няма, але невялікая стыкоўка ў Маскве не стамляе - дарога займае ўсяго паўдня. Для тых, хто хоча змяніць карцінку, паглядзець новую краіну, перазагрузіцца - Беларусь ідэальна падыходзіць. А яшчэ выдатная альтэрнатыва расійскім санаторыям: і па якасці, і па цане".
"Беларускі адвент" стаў практычным трэнінгам для турагентаў. Кожны дзень удзельнікі не толькі аглядалі аб'екты, але і праходзілі тэматычныя семінары: па санаторна-курортным лячэнні, арганізацыі FIT-тураў, развіцці ваенна-патрыятычнага і экскурсійнага турызму.
Арганізатары адзначаюць: цікавасць расійскіх турыстаў да Беларусі расце, але рэгіянальныя агенты ўсё яшчэ мала знаёмы з напрамкам. Намеснік дырэктара "Тракт Груп Бай" (група кампаній "Остервег") Алег Раманенка расказаў, што пасля такіх паездак турпрадукт адкрываецца праз асабісты вопыт і эмоцыі. "У 2026 годзе плануем запусціць больш за восем праграм - ад радыяльных "Мінскіх канікулаў" да кальцавых тураў па ўсёй краіне: ад Гомеля да Брэста, ад Магілёва да Гродна", - паведаміў Алег Раманенка.
Па выніках "Беларускага адвенту" ва ўдзельнікаў ужо з'явіліся першыя запыты кліентаў на тыднёвыя туры па краіне, лячэбныя заезды ў санаторыі, кароткія туры выхаднога дня.
"Мы ўдзячны калегам, якія зрабілі ўсё магчымае, каб знізіць сабекошт інфатуру, - адзначыў старшыня праўлення РСТІ Піліп Гулы. - Асабліва важна, што на гэты раз у ім удзельнічалі менавіта турагенты, якія працуюць на выезд, а не прымаючыя кампаніі, рэгіянальныя музеі або іншыя арганізацыі, якія не адносяцца да выязной дыстрыбуцыі. Гэта дазваляе атрымліваць рэальную зваротную сувязь ад спецыялістаў, якія фарміруюць попыт і ўзаемадзейнічаюць непасрэдна з турыстамі".-0-
Падпісвайцеся на нас у
