4 сакавіка, Мінск /Кар. БЕЛТА/. Старшыня Савета Рэспублікі, упаўнаважаны прадстаўнік кіраўніка дзяржавы ў горадзе Мінску Наталля Качанава правяла селектарную нараду па пытаннях процідзеяння распаўсюджванню каранавіруснай інфекцыі. Аб гэтым БЕЛТА паведамілі ў прэс-службе верхняй палаты парламента.
Гэтыя пытанні знаходзяцца на асабістым кантролі старшыні Савета Рэспублікі.
У нарадзе прынялі ўдзел міністр аховы здароўя Дзмітрый Піневіч, старшыня Камітэта па ахове здароўя Мінска Алена Богдан, галоўныя ўрачы ўсіх бальніц і паліклінік, галоўныя санітарныя ўрачы раёнаў.
Адзначалася, што распаўсюджванне каранавіруснай інфекцыі ў Мінску ідзе на спад.
Былі абмеркаваны пытанні работы амбулаторна-паліклінічнага звяна ў выхадныя і святочныя дні, дзяжурства спецыялістаў хуткай медыцынскай дапамогі, правядзенне работ па дэзынфекцыі пасля COVID-19 і адкрыццё стацыянараў для работы ў планавым рэжыме.
Галоўурачы таксама расказалі аб наяўнасці на складах лекавых сродкаў і неабходных для работы стацыянараў медыцынскіх вырабаў.-0-
