19 красавіка, Мінск /Кар. БЕЛТА/. Моладзі трэба паказваць сябе ў любові да Радзімы, заявіла старшыня Савета Рэспублікі Наталля Качанава ў час сустрэчы са школьнікамі Маларыцкага раёна, перадае карэспандэнт БЕЛТА.
"Можна па-рознаму гаварыць пра патрыятызм. Але на самай справе - гэта такое паняцце, якое не так проста сфармуляваць. Патрыятызм - гэта ўсё тое, што характарызуе чалавека з яго жыццёвымі ўстоямі. Калі ты разумееш, што ёсць краіна, якая не нейкае абстрактнае паняцце, а твая краіна, у якой ты нарадзіўся, жывеш, і гэта краіна развіваецца. Ёсць традыцыі ў тваёй краіны, твая сям'я. І добрае стаўленне, пачуццё адказнасці за тваю краіну, за тое, што будзе адбывацца з табой, тваімі блізкімі, разуменне таго, што ты адказны ў цэлым за ўсё гэта, - павінна быць у кожнага", - сказала Наталля Качанава.
Спікер падкрэсліла: без патрыятызму, як і без любові, цяжка дасягнуць жаданага выніку. "Калі ты разумееш, што павінен штосьці зрабіць сёння на сваім месцы, - адзначыла яна. - Хацелася б, каб вы гэту краіну захавалі такой, якая яна ёсць - мірнай, спакойнай. Наша краіна маладая. Па гістарычных мерках 30 гадоў - гэта адно імгненне ў гісторыі. Але якая цудоўная краіна. Давайце будзем паказваць сябе ў любові да Радзімы".
Наталля Качанава дадала, што сучасны свет запоўнілі хлусня, фэйкі, тое, што пішуць у інтэрнэце, далёка не ўсё праўда. "І таму такія сустрэчы вельмі важныя", - канстатавала старшыня Савета Рэспублікі.-0-
