Навіны сюжэта
"Маладзёжная палітыка Беларусі "
23 снежня, Мінск /Кар. БЕЛТА/. Міралюбівая палітыка нашай краіны, развіццё па сваіх законах - гэта дарагога каштуе, заявіла старшыня Савета Рэспублікі Наталля Качанава ў час сустрэчы з удзельнікамі праекта БДУ "Школа маладога выбаршчыка".
"Школа маладога выбаршчыка" - маладзёжны патрыятычны праект, рэалізуемы ў Беларускім дзяржаўным універсітэце са снежня 2024 года па студзень 2025 года і накіраваны на разуменне працэдуры выбарчага працэсу ў Рэспубліцы Беларусь.
"Выбары для любой прававой дзяржавы - гэта асаблівы перыяд у жыцці краіны, - сказала Наталля Качанава. - Наша краіна за 30 гадоў, невялікі перыяд па гістарычных мерках, зрабіла вялізны рывок у сваім развіцці. Тым, што дасягнула Беларусь, мы па праву ганарымся. Самае галоўнае - гэта суверэнітэт і незалежнасць. Міралюбівая палітыка нашай краіны, развіццё па сваіх законах - гэта дарагога каштуе. Але вы павінны разумець, што будучыня залежыць ад усіх нас. Кожны голас сёння вельмі важны".
Моладзь цікавіцца жыццём сваёй краіны, адзначыла спікер. "І тое, што сёння думае моладзь і як разлічвае ў далейшым развіваць нашу дзяржаву, вельмі важна, - падкрэсліла старшыня Савета Рэспублікі. - Трэба захаваць наша адзінства для таго, каб Беларусь была такой жа міралюбівай у знешняй палітыцы, каб мір і згода былі ў нашай краіне, каб яна развівалася так, як усе гэтыя 30 гадоў, - прырастаючы ў эканоміцы, сацыяльнай сферы, сваімі традыцыямі".
Удзельнікамі праекта з'яўляюцца студэнты ўсіх факультэтаў БДУ, якія раней не прымалі ўдзел у выбарах Прэзідэнта Рэспублікі Беларусь. Яго мэта - інфармаванне студэнцкай моладзі па тэматыцы выбарчага працэсу ў Рэспубліцы Беларусь, фарміраванне прававой культуры, грамадзянскай пазіцыі і разумення адказнасці за будучыню краіны.-0-
Фота Віталя Піваварчыка
Падпісвайцеся на нас у
