Фота Аб'яднанага інстытута праблем інфарматыкі
21 лістапада, Мінск /Кар. БЕЛТА/. Айчынныя вучоныя ўзмоцнена працуюць са штучным інтэлектам, разам з тым ёсць яшчэ шмат пытанняў, якія трэба развіць, дапрацаваць або даследаваць дадаткова. Такое меркаванне ў размове з карэспандэнтам БЕЛТА на палях канферэнцыі "Развіццё інфарматызацыі і дзяржаўнай сістэмы навукова-тэхнічнай інфармацыі", якая праходзіць сёння ў Аб'яднаным інстытуце праблем інфарматыкі, выказаў загадчык лабараторыі матэматычнай кібернетыкі АІПІ, член-карэспандэнт Нацыянальнай акадэміі навук Аляксандр Тузікаў.
Раней анансавалася стварэнне ў Беларусі Інстытута штучнага інтэлекту. У цэлым у праекце нацыянальнай стратэгіі ўстойлівага развіцця краіны да 2040 года акцэнт зроблены на развіцці рэспублікі ў розных сферах на аснове тэхналогій штучнага інтэлекту: у ахове здароўя, адукацыі, прамысловасці, энергетыцы, транспарце, сельскай гаспадарцы, турызме, жыллёва-камунальнай гаспадарцы, гандлі, культуры і нават у сферы фінансавага рынку.
Аляксандр Тузікаў расказаў, што ў Акадэміі навук і раней існаваў цэнтр на базе двух інстытутаў - Аб'яднанага інстытута праблем інфарматыкі і Інстытута фізіялогіі, - вучоныя якіх з пазіцый камп'ютарных навук і медыцынскага пункту гледжання вывучалі вопыт людзей, якія працуюць з чалавечым мозгам. Паводле слоў загадчыка лабараторыі матэматычнай кібернетыкі, ужо тады быў зроблены добры зачын для работы па напрамку штучнага інтэлекту.
Эксперт упэўнены, што ў Беларусі нараўне з вопытам шэрага перадавых краін неабходна прыняць адпаведную дзяржаўную праграму, якая ўрэгулявала б дзейнасць па напрамку распрацовак, звязаных са штучным інтэлектам. Праграмы навуковых даследаванняў ужо ўлічаюць гэтыя пытанні.
"Цяпер, калі прадаўжаецца этап фарміравання новых дзяржпраграм на 2026-20230 гады, трэба сур'ёзна падумаць над гэтым і распрацаваць праграму для штучнага інтэлекту, - прапануе супрацоўнік Аб'яднанага інстытута праблем інфарматыкі. - З аднаго боку, тэхналогіі штучнага інтэлекту сёння маюць вельмі шмат магчымасцей, іх межы яшчэ не вывучаны і не да канца зразумелы. З другога боку, існуе нямала пагроз, звязаных з развіццём гэтых тэхналогій, узаемадзеяннем чалавека і штучнага інтэлекту, магчымасцямі штучнага інтэлекту генерыраваць вельмі праўдападобную інфармацыю, што ўяўляе сур'ёзную небяспеку для сістэм кібербяспекі і ў цэлым для бяспекі чалавека".-0-
Раней анансавалася стварэнне ў Беларусі Інстытута штучнага інтэлекту. У цэлым у праекце нацыянальнай стратэгіі ўстойлівага развіцця краіны да 2040 года акцэнт зроблены на развіцці рэспублікі ў розных сферах на аснове тэхналогій штучнага інтэлекту: у ахове здароўя, адукацыі, прамысловасці, энергетыцы, транспарце, сельскай гаспадарцы, турызме, жыллёва-камунальнай гаспадарцы, гандлі, культуры і нават у сферы фінансавага рынку.
Аляксандр Тузікаў расказаў, што ў Акадэміі навук і раней існаваў цэнтр на базе двух інстытутаў - Аб'яднанага інстытута праблем інфарматыкі і Інстытута фізіялогіі, - вучоныя якіх з пазіцый камп'ютарных навук і медыцынскага пункту гледжання вывучалі вопыт людзей, якія працуюць з чалавечым мозгам. Паводле слоў загадчыка лабараторыі матэматычнай кібернетыкі, ужо тады быў зроблены добры зачын для работы па напрамку штучнага інтэлекту.
Эксперт упэўнены, што ў Беларусі нараўне з вопытам шэрага перадавых краін неабходна прыняць адпаведную дзяржаўную праграму, якая ўрэгулявала б дзейнасць па напрамку распрацовак, звязаных са штучным інтэлектам. Праграмы навуковых даследаванняў ужо ўлічаюць гэтыя пытанні.
"Цяпер, калі прадаўжаецца этап фарміравання новых дзяржпраграм на 2026-20230 гады, трэба сур'ёзна падумаць над гэтым і распрацаваць праграму для штучнага інтэлекту, - прапануе супрацоўнік Аб'яднанага інстытута праблем інфарматыкі. - З аднаго боку, тэхналогіі штучнага інтэлекту сёння маюць вельмі шмат магчымасцей, іх межы яшчэ не вывучаны і не да канца зразумелы. З другога боку, існуе нямала пагроз, звязаных з развіццём гэтых тэхналогій, узаемадзеяннем чалавека і штучнага інтэлекту, магчымасцямі штучнага інтэлекту генерыраваць вельмі праўдападобную інфармацыю, што ўяўляе сур'ёзную небяспеку для сістэм кібербяспекі і ў цэлым для бяспекі чалавека".-0-
Падпісвайцеся на нас у
