ДЗЯРЖОРГАНЫДЗЯРЖОРГАНЫ
Флаг Чацвер, 8 снежня 2022
Мінск -3°C
Усе навіны
Усе навіны
Грамадства
11 лістапада 2016, 14:50

Эрдаган адзначыў мірнае суіснаванне прадстаўнікоў розных канфесій у Беларусі

11 лістапада, Мінск /Таццяна Пастушэнка - БЕЛТА/. Прэзідэнт Турцыі Рэджэп Таіп Эрдаган сёння ў час цырымоніі адкрыцця Саборнай мячэці ў Мінску адзначыў мірнае суіснаванне прадстаўнікоў розных канфесій у Беларусі, перадае карэспандэнт БЕЛТА.

"Беларусь - гэта тая краіна, дзе людзі самых розных этнічных і рэлігійных каранёў пражываюць пад адным дахам, у міры і згодзе. І мы з вамі - сведкі таго, што тут такая палітра, такая разнастайнасць успрымаецца не як крыніца патэнцыяльнай пагрозы, а як прыгажосць, сімвал багацця і здабытак", - упэўнены Прэзідэнт Турцыі.

Паводле яго слоў, людзі розных этнічных каранёў, рэлігійных перакананняў разам, у рамках аднаго агульнага бачання будучыні, працуюць на карысць і працвітанне Рэспублікі Беларусь. "Я веру, што такая асаблівасць Беларусі вельмі важна з улікам таго няпростага перыяду, у якім мы знаходзімся. На жаль, такой прыгожай карціны, такога пейзажу ў многіх краінах свету ўбачыць не ўдасца. У шэрагу еўрапейскіх краін няма той цярпімасці і дружалюбнасці, ад якіх мы атрымліваем асалоду тут. Часам людзі становяцца ахвярай палітыкі, прадыктаванай жаданнем раздзяляць па прынцыпе "Хто ты, адкуль, у што верыш", - заўважыў Рэджэп Таіп Эрдаган.

Ён звярнуў увагу, што ў сучасным свеце людзі фактычна з'яўляюцца сведкамі драмы, калі ў некаторых еўрапейскіх краінах вымушаны ратавацца ад нягод, ад пературбацый у сваіх уласных дзяржавах многія і многія жыхары. "Вядома, я не збіраюся расказваць аб тых бежанцах, якіх мы ў сябе ў Турцыі прымаем на працягу апошніх шасці гадоў, - з Сірыі, Ірака. Мы будзем прадаўжаць прымаць іх у сябе дома, таму што наша вера таго патрабуе. Мы не ў сілах зачыніць дзверы перад тымі, хто бяжыць ад бамбардзіровак", - дадаў Прэзідэнт Турцыі.-0-

Падпісвайцеся на нас у
Twitter
Топ-навіны
З НАМІ НАЙБОЛЬШ ЦІКАВА
Свежыя навіны Беларусі