Фота з архіва
19 снежня, Мінск /Кар. БЕЛТА/. Усё больш прадпрыемстваў Беларусі цікавяцца праектамі выпускнікоў Нацыянальнага дзіцячага тэхнапарка. Аб гэтым карэспандэнту БЕЛТА паведаміла намеснік дырэктара па вучэбнай рабоце ўстановы Ала Герасімук у час публічнай абароны даследчых праектаў навучэнцаў, якая прайшла сёння ў дзіцячым тэхнапарку.
"Мы паўтара года працуем ужо ў такім фармаце, і публічныя абароны становяцца ўсё больш масавымі. Усё больш прадпрыемстваў цікавяцца праектамі нашых дзяцей і прыязджаюць да нас у госці. Цяпер мы падводзім вынікі 2024 года, які мы завяршаем у рамках рэалізацыі падпісаных дарожных карт. Адначасова працуем над зместам дарожных карт на 2025 год з улікам нашых дасягненняў і новых задач, якія перад намі паставілі Міністэрства адукацыі і галіновыя ведамствы. Спадзяёмся, што ў наступным годзе гэта работа будзе яшчэ больш плённай: як мага больш праектаў нашых юнакоў і дзяўчат будуць укаранёны ў вытворчы працэс, усё больш спецыялістаў прадпрыемстваў стануць непасрэднымі ўдзельнікамі рэалізацыі праектаў", - расказала Ала Герасімук.
На публічнай абароне прадстаўлена 96 даследчых праектаў навучэнцаў. Некаторыя з іх індывідуальныя, іншыя распрацаваны ў невялікіх групах па 2-3 чалавекі. "Кожны раз на абароне прадстаўлены ўсе нашы 15 напрамкаў. Яны карыстаюцца папулярнасцю ў дзяцей, нейкія ў большай ступені, нейкія ў меншай, гэта залежыць ад навукаёмістасці некаторых напрамкаў. Цяпер вельмі папулярна ўсё, што звязана з інфармацыйнымі тэхналогіямі, запатрабавана архітэктура і дызайн - гэта адзіны творчы напрамак у нас у тэхнапарку. Хацелася б адзначыць, што конкурс у нашай установе стабільна высокі - каля 3,5 чалавека на месца ў сярэднім па ўсіх напрамках", - праінфармавала намеснік дырэктара.-0-
"Мы паўтара года працуем ужо ў такім фармаце, і публічныя абароны становяцца ўсё больш масавымі. Усё больш прадпрыемстваў цікавяцца праектамі нашых дзяцей і прыязджаюць да нас у госці. Цяпер мы падводзім вынікі 2024 года, які мы завяршаем у рамках рэалізацыі падпісаных дарожных карт. Адначасова працуем над зместам дарожных карт на 2025 год з улікам нашых дасягненняў і новых задач, якія перад намі паставілі Міністэрства адукацыі і галіновыя ведамствы. Спадзяёмся, што ў наступным годзе гэта работа будзе яшчэ больш плённай: як мага больш праектаў нашых юнакоў і дзяўчат будуць укаранёны ў вытворчы працэс, усё больш спецыялістаў прадпрыемстваў стануць непасрэднымі ўдзельнікамі рэалізацыі праектаў", - расказала Ала Герасімук.
На публічнай абароне прадстаўлена 96 даследчых праектаў навучэнцаў. Некаторыя з іх індывідуальныя, іншыя распрацаваны ў невялікіх групах па 2-3 чалавекі. "Кожны раз на абароне прадстаўлены ўсе нашы 15 напрамкаў. Яны карыстаюцца папулярнасцю ў дзяцей, нейкія ў большай ступені, нейкія ў меншай, гэта залежыць ад навукаёмістасці некаторых напрамкаў. Цяпер вельмі папулярна ўсё, што звязана з інфармацыйнымі тэхналогіямі, запатрабавана архітэктура і дызайн - гэта адзіны творчы напрамак у нас у тэхнапарку. Хацелася б адзначыць, што конкурс у нашай установе стабільна высокі - каля 3,5 чалавека на месца ў сярэднім па ўсіх напрамках", - праінфармавала намеснік дырэктара.-0-
Падпісвайцеся на нас у
