Сцяг Чацвер, 13 лютага 2025
Усе навіны
Усе навіны
Эканоміка
19 снежня 2024, 18:38

Чжан Вэньчуань: Кітай гатовы пастаянна павялічваць аб'ём імпарту з Беларусі

Чжан Вэньчуань
Чжан Вэньчуань
19 снежня, Мінск /Аліна Грышкевіч - БЕЛТА/. Кітай гатовы пастаянна павялічваць аб'ём імпарту з Беларусі. На гэта звярнуў увагу Надзвычайны і Паўнамоцны Пасол Кітайскай Народнай Рэспублікі ў Рэспубліцы Беларусь Чжан Вэньчуань у інтэрв'ю БЕЛТА.

"Адкрытасць з'яўляецца адметнай прыкметай кітайскай мадэрнізацыі, - падкрэсліў дыпламат. - Кітай няўхільна пашырае інстытуцыянальную адкрытасць, і яе маштабы распасціраюцца ад усходняга ўзбярэжжа да цэнтральных, заходніх і паўночна-ўсходніх рэгіёнаў".

На яго думку, гэта дае вялікія магчымасці для кітайска-беларускага гандлёва-эканамічнага супрацоўніцтва.

На гэты час такія беларускія тавары, як малочныя прадукты, шакалад, цукеркі і мяса, карыстаюцца папулярнасцю ў кітайскіх спажыўцоў.

"Нядаўна больш за 60 беларускіх кампаній прынялі ўдзел у 7-й Кітайскай міжнароднай выстаўцы імпарту ў Шанхаі. Кітай гатовы пастаянна павялічваць аб'ём імпарту з Беларусі і прыцягваць на кітайскі рынак яшчэ больш высакаякасных і даступных беларускіх тавараў для ажыццяўлення ўзаемавыгаднага гандлёва-эканамічнага супрацоўніцтва паміж дзвюма краінамі", - заявіў Чжан Вэньчуань.-0-

Падпісвайцеся на нас у
X
Топ-навіны
Свежыя навіны Беларусі