Доля экспарту да ВУП - больш за 60 працэнтаў. Грыц растлумачыў неабходнасць Беларусі ў дыверсіфікацыі рынкаў

9 снежня, Мінск /Кар. БЕЛТА/. У Беларусі доля экспарту ў адносінах да ВУП складае больш за 60 працэнтаў, што дыктуе неабходнасць дыверсіфікацыі рынкаў збыту прадукцыі. Такую думку ў праекце "У тэме" на YouTube-канале БЕЛТА выказаў эканамічны аналітык, кандыдат эканамічных навук Георгій Грыц.

Георгій Грыц звярнуў увагу, што ў сучасным свеце востра паўстаюць пытанні ажыццяўлення харчовай бяспекі. У той жа час Беларусь не толькі поўнасцю забяспечвае сябе прадуктамі харчавання, але і пастаўляе іх значную колькасць за мяжу. Як адзначаў Прэзідэнт Беларусі Аляксандр Лукашэнка, па выніках 2025 года ад экспарту прадуктаў харчавання і сельгассыравіны чакаецца атрымаць рэкордныя больш за $9 млрд.

"Экспарт для нас крытычна важны, таму што ў нас экспартна арыентаваная эканоміка. Я проста прывяду лічбы. Сярэдняя доля сусветнага экспарту тавараў і паслуг у адносінах да сусветнага ВУП складае каля 30 працэнтаў. Доля экспарту ў адносінах да ВУП у Беларусі - больш за 60 працэнтаў", - прывёў статыстыку Георгій Грыц.

Такім чынам, падкрэсліў эксперт, для Беларусі застаецца актуальнай тэма дыверсіфікацыі рынкаў збыту. На яго думку, гэту работу трэба праводзіць не толькі міністэрствам, але і дыпламатычнаму корпусу, а таксама кіраўніцтву прадпрыемстваў.-0-

*Праект створаны за кошт сродкаў мэтавага збору на вытворчасць нацыянальнага кантэнту.