Фота з архіва
8 красавіка, Мінск /Кар. БЕЛТА/. Адбыўся старт вясенніх мерапрыемстваў па ўзнаўленні рыбных рэсурсаў сацыяльна значных вадаёмаў фонду запасу рыбалоўных угоддзяў, паведамілі БЕЛТА ў Беларускім таварыстве паляўнічых і рыбаловаў.
У Мінскай вобласці спецыялістамі БТПР зарыблены ўчастак ракі Бярэзіна (ад Барысава да Беразіно). Вадаём папоўніўся асобінамі сома (трохгадавік) агульнай вагой 3 т у колькасці 4,3 тыс. экзэмпляраў. На гэтым тыдні таксама зарыблены вяслярны канал у Гомелі і вадасховішча Светлагорскае (Гомельская вобласць), у якія выпушчана 1,7 т і 1,9 т адпаведна малькоў карася сярэбранага.
"Абодва вадаёмы з'яўляюцца штучнымі і не маюць нерасцілішчаў, таму ў іх зарыбленні павінен удзельнічаць чалавек. Такая мера дае магчымасць больш эфектыўна выкарыстоўваць біялагічныя рэсурсы, якія могуць даць водныя аб'екты", - адзначылі ў БТПР.
Выбар прыдатных водных аб'ектаў ажыццяўляецца на аснове біялагічнага абгрунтавання, што распрацоўваецца спецыялістамі Нацыянальнай акадэміі навук Беларусі.-0-
У Мінскай вобласці спецыялістамі БТПР зарыблены ўчастак ракі Бярэзіна (ад Барысава да Беразіно). Вадаём папоўніўся асобінамі сома (трохгадавік) агульнай вагой 3 т у колькасці 4,3 тыс. экзэмпляраў. На гэтым тыдні таксама зарыблены вяслярны канал у Гомелі і вадасховішча Светлагорскае (Гомельская вобласць), у якія выпушчана 1,7 т і 1,9 т адпаведна малькоў карася сярэбранага.
"Абодва вадаёмы з'яўляюцца штучнымі і не маюць нерасцілішчаў, таму ў іх зарыбленні павінен удзельнічаць чалавек. Такая мера дае магчымасць больш эфектыўна выкарыстоўваць біялагічныя рэсурсы, якія могуць даць водныя аб'екты", - адзначылі ў БТПР.
Выбар прыдатных водных аб'ектаў ажыццяўляецца на аснове біялагічнага абгрунтавання, што распрацоўваецца спецыялістамі Нацыянальнай акадэміі навук Беларусі.-0-