Беларускія пагранічнікі пачалі прымаць транспарт у пункт пропуску "Брэст" 

24 верасня, Брэст /Кар. БЕЛТА/. Беларускія пагранічнікі пачалі прымаць транспарт на тэрыторыю аўтадарожнага пункта пропуску "Брэст" (сумежны "Цярэспаль"), перадае карэспандэнт БЕЛТА. 

Пагранічная варта Польшчы прыслала ў Дзяржаўны пагранічны камітэт Беларусі афіцыйнае паведамленне аб адкрыцці 25 верасня з 1.00 па беларускім часе закрытых амаль два тыдні таму пунктаў пропуску. Павінны аднавіць работу аўтадарожныя "Брэст" - "Цярэспаль" і "Казловічы" - "Кукурыкі", а таксама чатыры чыгуначныя пункты пропуску: "Гродна" - "Кузніца Беластоцкая", "Бераставіца" - "Зубкі Беластоцкія", "Свіслач" - "Сямёнаўка", "Брэст" - "Цярэспаль".У прыватнасці, да пункта пропуску "Брэст" прыбываюць аўтобусы з нумарамі як розных рэгіёнаў Беларусі, так і з польскай рэгістрацыяй. У электроннай чарзе рэгіструюцца легкавыя аўтамабілі. Беларускія пагранічнікі ў 23 гадзіны пачалі запускаць транспарт на тэрыторыю пункта пропуску. Як будзе працаваць польскі бок, людзі ў чарзе не бяруцца меркаваць, не выключаючы, што чаканне можа расцягнуцца на гадзіны. 

У аўтадарожных пунктах пропуску загадзя пачнецца і мытны кантроль для аператыўнага адбыцця транспарту пасля афіцыйнага адкрыцця польскім бокам руху.-0-