Азараў: страх - адзін з фактараў у сусветнай палітыцы

22 студзеня, Мінск /Кар. БЕЛТА/. Страх з'яўляецца адным з фактараў у сусветнай палітыцы. Такое меркаванне ў праекце "У тэме" на YouTube-канале БЕЛТА выказаў прэм'ер-міністр Украіны (2010-2014) Мікалай Азараў.

"Страх - гэта адзін з фактараў у сусветнай палітыцы. І гэтага абсалютна не трэба саромецца. 30 гадоў расказваюць пра фактар стрымлівання... Каго мы стрымліваем? Мы можам стрымліваць толькі тады, калі (апаненты. - Заўвага БЕЛТА) рэальна баяцца і апасаюцца. Гэта значыць павінен дзейнічаць фактар запалохвання па вялікім рахунку", - сказаў Мікалай Азараў.

У пацвярджэнне сваіх слоў ён прывёў прыклад Карэйскай Народна-Дэмакратычнай Рэспублікі: "КНДР гэта добра ўсведамляе. І ўсе разумеюць, што не трэба закранаць Кім Чэн Ына, таму што ён адкажа па поўнай праграме".

Такім чынам, лічыць былы прэм'ер-міністр Украіны, у няпростай міжнароднай абстаноўцы гарантыі бяспекі можна забяспечыць толькі за кошт сілы. Гэта звязана і з тым, што міжнароднае права фактычна не працуе, а любыя прынятыя пагадненні лёгка парушаюцца. "Галоўнае - гэта мір. Але мір павінен грунтавацца на сур'ёзных гарантыях", - выказаў упэўненасць Мікалай Азараў.-0-