2 лютага, Мінск /Кар. БЕЛТА/. Абноўленае заканадаўства па пытаннях аховы здароўя 2 лютага ўступіла ў сілу, паведамляе карэспандэнт БЕЛТА.
З сённяшняга дня ўступіў у сілу закон нумар 308-З "Аб змяненні законаў па пытаннях аховы здароўя" ад 25 кастрычніка 2023 года.
"Прэзідэнтам Беларусі пастаўлены задачы па забеспячэнні якасці і даступнасці медыцынскай дапамогі насельніцтву, дыспансерызацыі, якая дае магчымасць выяўляць захворванне на ранніх этапах яго развіцця, акрэдытацыі ўстаноў аховы здароўя, а таксама пытанні, якія датычацца замацавання кадраў на рабочых месцах і павышэння якасці адукацыйнага працэсу", - адзначыў у каментарыі журналістам міністр аховы здароўя Аляксандр Хаджаеў.
Паводле яго слоў, рэалізоўваць гэтыя пытанні дае магчымасць якасная нарматыўная прававая база. "Для нас асноўным дакументам з’яўляецца закон аб ахове здароўя. Сёння ўступаюць у сілу падзаконныя нарматыўныя прававыя акты, якія дадуць магчымасць нам рэалізоўваць пастаўленыя задачы", - адзначыў міністр.-0-
Падпісвайцеся на нас у
