Фота з архіва
2 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка 2 кастрычніка правёў тры рабочыя сустрэчы. Яны былі прысвечаны рознай тэматыцы і па большай частцы мелі закрыты характар, але абмяркоўваліся найважнейшыя пытанні. Гэта ваенна-прамысловы комплекс, супрацоўніцтва з краінамі Афрыкі, сфера нафтаперапрацоўкі, паведамілі БЕЛТА у прэс-службе беларускага лідара.
У час першай сустрэчы ў Прэзідэнта абмяркоўвалася работа ваенна-прамысловага комплексу Беларусі, у тым ліку па важнейшых сумесных праектах з замежнымі партнёрамі. У цэнтры ўвагі былі перспектыўныя напрамкі і навукова-тэхнічны патэнцыял беларускай абароннай прамысловасці.
Супрацоўніцтва з краінамі Афрыкі па самым шырокім спектры напрамкаў - яшчэ адзін блок пытанняў, які дакладаўся Прэзідэнту. Пастаўкі беларускай прадукцыі на Афрыканскі кантынент, зборачная вытворчасць тэхнікі, супрацоўніцтва ў сферы сельскай гаспадаркі і забеспячэнне харчовай бяспекі - усё гэта запатрабаваныя напрамкі, па якіх ёсць запыт у афрыканскіх партнёраў. Па ўсіх напрамках Прэзідэнт патрабуе інтэнсіфікаваць работу і паскарацца.
Тэма нумар тры - нафтаперапрацоўка. На рабочай сустрэчы па гэтым пытанні акцэнт у абмеркаванні быў зроблены на паляпшэнні эфектыўнасці і павелічэнні аб'ёмаў перапрацоўкі нафты.-0-
Падпісвайцеся на нас у
