2 снежня, Мінск /Кар. БЕЛТА/. Супрацоўнік Камітэта дзяржаўнай бяспекі старшы лейтэнант Дзмітрый Федасюк пасмяротна ўзнагароджаны ордэнам "За асабістую мужнасць". Адпаведны ўказ падпісаў сёння Прэзідэнт Беларусі Аляксандр Лукашэнка, паведамілі БЕЛТА ў прэс-службе кіраўніка дзяржавы.
Гэтай высокай узнагароды супрацоўнік КДБ удастоены за адвагу і асабістую мужнасць, праяўленыя пры выкананні службовых абавязкаў.
Як паведамлялася, 28 верасня пры правядзенні ў Мінску спецыяльных мерапрыемстваў па адпрацоўцы адрасоў, дзе маглі знаходзіцца асобы, якія маюць дачыненне да тэрарыстычнай дзейнасці, у адной з кватэр жылога дома асабліва небяспечны злачынец са стрэльбы адкрыў агонь на паражэнне па супрацоўніках праваахоўных органаў. У выніку супрацоўнік Камітэта дзяржбяспекі быў смяротна паранены.-0-
