15 студзеня, Мінск /Кар. БЕЛТА/. Асноўнай мэтай дзяржаўнай інвестыцыйнай праграмы з'яўляецца стварэнне і развіццё інфраструктуры краіны: інжынернай, сацыяльнай, вытворчай і абароннай. Аб гэтым Прэзідэнт Беларусі Аляксандр Лукашэнка заявіў 15 студзеня ў час даклада аб зацвярджэнні дзяржаўнай інвестыцыйнай праграмы на 2025 год, перадае карэспандэнт БЕЛТА.
Кіраўнік дзяржавы напярэдадні, прымаючы кадравыя рашэнні, звярнуў увагу адказных службовых асоб на тое, што не падпісаў унесены яму на разгляд праект указа аб зацвярджэнні дзяржінвестпраграмы і вярнуў дакумент ураду. "Важнейшы дакумент. Я яго не падпісаў, як звычайна вярнуў ураду. Вы мне зноў выкідваеце, і тры або чатыры чалавекі прыйдуць мне дакладваць. Тыя, хто рыхтаваў гэту праграму. А дзе альтэрнатыўны пункт гледжання? Ці ўсё мы там будзем будаваць, ці туды мы грошы накіруем? Вось гэтага бяздумнага быць не павінна, - запатрабаваў напярэдадні Аляксандр Лукашэнка. - Менш мерапрыемстваў, менш тузаць людзей. Трэба засяродзіцца на канкрэтных пытаннях".
У выніку на даклад Прэзідэнту аб зацвярджэнні дзяржінвестпраграмы запрошаны шырокі склад удзельнікаў, уключаючы кіраўніцтва ўрада і шэрага міністэрстваў, а таксама Адміністрацыі Прэзідэнта, Савета бяспекі, Камітэта дзяржаўнага кантролю, мінскіх абласнога і гарадскога выканкамаў.
Прэзідэнт пачаў мерапрыемства з чарговага папярэджання аб тым, што 2025 год будзе няпростым, не менш складаным, чым 2024-ы, дакладна.
У цяперашняй сітуацыі абапірацца пераважна на ёмістасць суседняга, расійскага, рынку немагчыма, лічыць Аляксандр Лукашэнка. "Прагноз расіян па ключавых індыкатарах развіцця вельмі асцярожны: рост эканомікі ў межах 1,5-2,5 працэнта, двухзначныя банкаўскія стаўкі, растучы дэфіцыт бюджэту (больш за 1,2 трлн рублёў)", - заўважыў Прэзідэнт.
Разам з тым беларускі ўрад устанаўлівае паказчыкам эфектыўнасці сваёй работы ў бягучым годзе ВУП вышэйшы за 104 працэнты. "Нядрэнна", - даў сваю ацэнку кіраўнік дзяржавы. Асноўнай крыніцай росту ВУП заяўлены інвестыцыі на ўзроўні амаль 108 працэнтаў. Плануецца асвоіць амаль Br50 млрд. Гэта прыкладна 18 працэнтаў ВУП Беларусі.
"Урад і Адміністрацыя Прэзідэнта бачаць асноўнай мэтай выхад на парог бяспекі па інвестыцыях не ніжэйшы за 20 працэнтаў ВУП. Толькі пры такім узроўні мы зможам забяспечваць рост эканомікі ў будучым", - падкрэсліў Аляксандр Лукашэнка. І адразу абазначыў важнае пытанне: наколькі гэта лічба абгрунтавана.
Прэзідэнт звярнуў увагу, што структура інвестыцый па напрамках фінансавання практычна не мяняецца. У яе ўваходзяць тры ключавыя блокі. Ільвіную долю займаюць праекты рэальнага сектара (прыкладна 60 працэнтаў інвестыцый). На будаўніцтва жылля прыпадае каля 20 працэнтаў. Апошні блок - інжынерная, транспартная, сацыяльная інфраструктура (каля 20 працэнтаў), будаўніцтва якой - адказнасць дзяржавы. "Гэтыя аб'екты мы фінансуем у рамках дзяржаўнай інвестыцыйнай праграмы і такіх жа рэгіянальных праграм", - удакладніў Прэзідэнт.
Кансалідавана з усіх бюджэтаў на названыя мэты спатрэбіцца каля Br6,5 млрд. У дзяржаўную інвестыцыйную праграму ўключаны аб'екты верхняга ўзроўню на Br2,2 млрд, у рэгіянальныя заяўлена больш як на Br4 млрд.
"Асноўная мэта названай праграмы - стварэнне і развіццё інфраструктуры краіны: інжынернай, сацыяльнай, вытворчай і абароннай, - падкрэсліў Аляксандр Лукашэнка. - Пры гэтым накіраванасць праграмы, размеркаванне яе сродкаў паміж абазначанымі сферамі павінны строга адпавядаць рэаліям часу".
/Будзе дапоўнена/.-0-
Кіраўнік дзяржавы напярэдадні, прымаючы кадравыя рашэнні, звярнуў увагу адказных службовых асоб на тое, што не падпісаў унесены яму на разгляд праект указа аб зацвярджэнні дзяржінвестпраграмы і вярнуў дакумент ураду. "Важнейшы дакумент. Я яго не падпісаў, як звычайна вярнуў ураду. Вы мне зноў выкідваеце, і тры або чатыры чалавекі прыйдуць мне дакладваць. Тыя, хто рыхтаваў гэту праграму. А дзе альтэрнатыўны пункт гледжання? Ці ўсё мы там будзем будаваць, ці туды мы грошы накіруем? Вось гэтага бяздумнага быць не павінна, - запатрабаваў напярэдадні Аляксандр Лукашэнка. - Менш мерапрыемстваў, менш тузаць людзей. Трэба засяродзіцца на канкрэтных пытаннях".
У выніку на даклад Прэзідэнту аб зацвярджэнні дзяржінвестпраграмы запрошаны шырокі склад удзельнікаў, уключаючы кіраўніцтва ўрада і шэрага міністэрстваў, а таксама Адміністрацыі Прэзідэнта, Савета бяспекі, Камітэта дзяржаўнага кантролю, мінскіх абласнога і гарадскога выканкамаў.
Прэзідэнт пачаў мерапрыемства з чарговага папярэджання аб тым, што 2025 год будзе няпростым, не менш складаным, чым 2024-ы, дакладна.
У цяперашняй сітуацыі абапірацца пераважна на ёмістасць суседняга, расійскага, рынку немагчыма, лічыць Аляксандр Лукашэнка. "Прагноз расіян па ключавых індыкатарах развіцця вельмі асцярожны: рост эканомікі ў межах 1,5-2,5 працэнта, двухзначныя банкаўскія стаўкі, растучы дэфіцыт бюджэту (больш за 1,2 трлн рублёў)", - заўважыў Прэзідэнт.
Разам з тым беларускі ўрад устанаўлівае паказчыкам эфектыўнасці сваёй работы ў бягучым годзе ВУП вышэйшы за 104 працэнты. "Нядрэнна", - даў сваю ацэнку кіраўнік дзяржавы. Асноўнай крыніцай росту ВУП заяўлены інвестыцыі на ўзроўні амаль 108 працэнтаў. Плануецца асвоіць амаль Br50 млрд. Гэта прыкладна 18 працэнтаў ВУП Беларусі.
"Урад і Адміністрацыя Прэзідэнта бачаць асноўнай мэтай выхад на парог бяспекі па інвестыцыях не ніжэйшы за 20 працэнтаў ВУП. Толькі пры такім узроўні мы зможам забяспечваць рост эканомікі ў будучым", - падкрэсліў Аляксандр Лукашэнка. І адразу абазначыў важнае пытанне: наколькі гэта лічба абгрунтавана.
Прэзідэнт звярнуў увагу, што структура інвестыцый па напрамках фінансавання практычна не мяняецца. У яе ўваходзяць тры ключавыя блокі. Ільвіную долю займаюць праекты рэальнага сектара (прыкладна 60 працэнтаў інвестыцый). На будаўніцтва жылля прыпадае каля 20 працэнтаў. Апошні блок - інжынерная, транспартная, сацыяльная інфраструктура (каля 20 працэнтаў), будаўніцтва якой - адказнасць дзяржавы. "Гэтыя аб'екты мы фінансуем у рамках дзяржаўнай інвестыцыйнай праграмы і такіх жа рэгіянальных праграм", - удакладніў Прэзідэнт.
Кансалідавана з усіх бюджэтаў на названыя мэты спатрэбіцца каля Br6,5 млрд. У дзяржаўную інвестыцыйную праграму ўключаны аб'екты верхняга ўзроўню на Br2,2 млрд, у рэгіянальныя заяўлена больш як на Br4 млрд.
"Асноўная мэта названай праграмы - стварэнне і развіццё інфраструктуры краіны: інжынернай, сацыяльнай, вытворчай і абароннай, - падкрэсліў Аляксандр Лукашэнка. - Пры гэтым накіраванасць праграмы, размеркаванне яе сродкаў паміж абазначанымі сферамі павінны строга адпавядаць рэаліям часу".
/Будзе дапоўнена/.-0-
Падпісвайцеся на нас у
