22 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка сёння прыняў з дакладам спецыяльнага пасланніка кіраўніка дзяржавы Віктара Шэймана. Аб гэтым БЕЛТА паведамілі ў прэс-службе беларускага лідара.
У ходзе размовы абмяркоўваліся пытанні нарошчвання беларускай прысутнасці на Афрыканскім кантыненце. У прыватнасці, стварэнне сумесных прадпрыемстваў, пастаўкі нашай машынабудаўнічай і харчовай прадукцыі, будаўніцтва аўтамабільных дарог і чыгунак, падрыхтоўка спецыялістаў для работы на беларускай тэхніцы, яе сэрвіснага абслугоўвання і рамонту, будаўніцтва электрастанцый.
Як далажыў Віктар Шэйман, ёсць прапановы з боку афрыканскіх партнёраў па стварэнні прадпрыемстваў па вытворчасці і перапрацоўцы мяса птушкі і ялавічыны, малочнай прадукцыі, сельскагаспадарчых холдынгаў.
Як было падкрэслена ў час сустрэчы, Афрыка - цікавы і перспектыўны кантынент. Кіраўніком дзяржавы даручана узмацніць работу, з выхадам на стварэнне сумесных прадпрыемстваў і заключэнне доўгатэрміновых кантрактаў.
Яшчэ адной тэмай размовы стала стварэнне ў Беларусі новых прадпрыемстваў, якія працуюць у тым ліку ў сферы штучнага інтэлекту. Гэты напрамак таксама быў адзначаны як перспектыўны. Віктар Шэйман далажыў кіраўніку дзяржавы адпаведныя прапановы.-0-
Падпісвайцеся на нас у
