3 кастрычніка, Салігорскі раён /Кар. БЕЛТА/. Прэзідэнт Беларусі Аляксандр Лукашэнка пачаў рабочую паездку ў Салігорскі раён з канкрэтнай парады кіраўніцтву Мінскай вобласці і чыноўнікам у цэлым - менш гаварыць, а больш рабіць, перадае карэспандэнт БЕЛТА.
"Трэба менш гаварыць, а больш рабіць. Гэта мая вам парада публічная, - сказаў кіраўнік дзяржавы, звяртаючыся да кіраўніка вобласці Аляксея Кушнарэнкі. - Май на ўвазе, ты губернатар тут".
У першую чаргу Аляксандр Лукашэнка пацікавіўся, ці завершана сяўба азімых. Старшыня Мінскага аблвыканкама далажыў, што масавая сяўба якраз завяршаецца.
Аляксандр Лукашэнка таксама выказаў некаторыя нараканні адносна ўзроўню гаспадарання на зямлі, каб не было прасядання. Размова ў тым ліку аб тым, што Прэзідэнт бачыў па дарозе з борта верталёта. "Я бачу па палях гэтых. Ён (раён. - Заўвага БЕЛТА) горш становіцца, чым два гады таму", - адзначыў ён.
Кіраўнік дзяржавы, у прыватнасці, незадаволены якасцю ўзворвання ў асобных месцах. "Нават на падлёце - вы тут узаралі незразумела што. Але гэта не ворыва. Калі дрэнна ўзарана - не чакай ніякага ўраджаю. Таму што потым ужо бульдозерам будзеш раўнаваць поле", - сказаў ён.
Яшчэ адно пытанне датычылася закінутых і невыкарыстоўваемых прысядзібных участкаў па ўсёй краіне. Іх неабходна ўводзіць у сельгасабарот. "Трэба з імі разбірацца", - патрабуе кіраўнік дзяржавы.
Прэзідэнт растлумачыў, што па сукупнай плошчы такія невыкарыстоўваемыя ўчасткі параўнальныя з землямі, якія ў краіне імкнуцца ўвесці ў абарот за кошт меліярацыі.
Асобна кіраўнік дзяржавы згадаў пра ролю кіраўнікоў райвыканкамаў. Запатрабаванне за вынікі з іх неабходна павышаць, і сваю долю адказнасці яны павінны несці не толькі за прадпрыемствы камунальнай формы ўласнасці. "Старшыня райвыканкама - гаспадар і прэзідэнт на сваёй зямлі. Ён павінен кіраваць на тэрыторыі. Працаваць трэба. Трэба зарабляць, - падкрэсліў беларускі лідар. - Агідная работа ў некаторых гаспадарках. Потым давядзецца закрываць бюджэтнымі грашыма. А дзе іх узяць?"
Падпісвайцеся на нас у
