31 ліпеня, Мінск /Кар. БЕЛТА/. У складаных умовах надвор'я аграрыі павінны манеўраваць літаральна кожную гадзіну, але збожжа, якое стаіць на палях, трэба ўзяць. Аб гэтым Прэзідэнт Беларусі Аляксандр Лукашэнка заявіў на нарадзе з беларускімі пасламі, дзе таксама прысутнічалі і кіраўнікі рэгіёнаў, паведамляе карэспандэнт БЕЛТА.
Звяртаючыся да старшынь аблвыканкамаў, Прэзідэнт закрануў тэму вельмі зменлівага надвор'я і яго ўплыву на ўборачную кампанію. Праліўныя дажджы могуць змяняцца засухай, таму ад аграрыяў патрабуецца ўменне манеўраваць. Аляксандр Лукашэнка прывёў канкрэтны прыклад, на які ён звярнуў увагу ў адной з гаспадарак.
"Стаяць камбайны паўдня. Назаўтра яшчэ паўдня стаяць. Стаяць таму, што другая палавіна поля - ляжачы цалкам дыван (размова аб палеглых пасевах, да ўборкі якіх патрэбны асаблівы падыход. - Заўвага БЕЛТА). Трэба, каб высахла. Думаю, ну чаго ж вы стаіце? - расказаў кіраўнік дзяржавы. - Цераз агароджу такое ж поле, вялізнае. Палавіна "стаячая", палавіна "ляжачая". Перакінь ты камбайн (гэта ж побач) і ўбяры там, дзе стаяць гэтыя паўполя. Не, стаяць два-тры камбайны, чакаюць, калі высахне гэта палавіна поля. Манеўраваць трэба кожную гадзіну".
Да таго ж, заўважыў Аляксандр Лукашэнка, цяпер у распараджэнні аграрыяў магутнейшы парк самых перадавых камбайнаў. Трэба толькі папоўніць гаспадаркі вопытнымі механізатарамі, якія могуць кіраваць такімі складанымі машынамі.
"Трэба думаць, што рабіць, але збожжа трэба ўзяць. Бяда (аб умовах надвор'я, якія перашкаджаюць хуткай уборцы. - Заўвага БЕЛТА). Добрае збожжа - збожжавыя, каласавыя нядрэнныя, але даводзіцца зноў спадзявацца на кукурузу. І майце на ўвазе: у прыродзе ўсё збалансавана. Сёння ўсё заліло - заўтра засушыць", - папярэдзіў Прэзідэнт.-0-
Звяртаючыся да старшынь аблвыканкамаў, Прэзідэнт закрануў тэму вельмі зменлівага надвор'я і яго ўплыву на ўборачную кампанію. Праліўныя дажджы могуць змяняцца засухай, таму ад аграрыяў патрабуецца ўменне манеўраваць. Аляксандр Лукашэнка прывёў канкрэтны прыклад, на які ён звярнуў увагу ў адной з гаспадарак.
"Стаяць камбайны паўдня. Назаўтра яшчэ паўдня стаяць. Стаяць таму, што другая палавіна поля - ляжачы цалкам дыван (размова аб палеглых пасевах, да ўборкі якіх патрэбны асаблівы падыход. - Заўвага БЕЛТА). Трэба, каб высахла. Думаю, ну чаго ж вы стаіце? - расказаў кіраўнік дзяржавы. - Цераз агароджу такое ж поле, вялізнае. Палавіна "стаячая", палавіна "ляжачая". Перакінь ты камбайн (гэта ж побач) і ўбяры там, дзе стаяць гэтыя паўполя. Не, стаяць два-тры камбайны, чакаюць, калі высахне гэта палавіна поля. Манеўраваць трэба кожную гадзіну".
Да таго ж, заўважыў Аляксандр Лукашэнка, цяпер у распараджэнні аграрыяў магутнейшы парк самых перадавых камбайнаў. Трэба толькі папоўніць гаспадаркі вопытнымі механізатарамі, якія могуць кіраваць такімі складанымі машынамі.
"Трэба думаць, што рабіць, але збожжа трэба ўзяць. Бяда (аб умовах надвор'я, якія перашкаджаюць хуткай уборцы. - Заўвага БЕЛТА). Добрае збожжа - збожжавыя, каласавыя нядрэнныя, але даводзіцца зноў спадзявацца на кукурузу. І майце на ўвазе: у прыродзе ўсё збалансавана. Сёння ўсё заліло - заўтра засушыць", - папярэдзіў Прэзідэнт.-0-
Падпісвайцеся на нас у
