18 ліпеня, Мінск /Кар. БЕЛТА/. Раніцай 18 ліпеня Прэзідэнт Беларусі Аляксандр Лукашэнка заслухаў даклад старшыні Гомельскага аблвыканкама Івана Крупко аб устараненні ў рэгіёне наступстваў урагану, паведамляе БЕЛТА.
Іван Крупко падрабязна далажыў Прэзідэнту аб ходзе аднаўленчых работ у вобласці і сітуацыі на раніцу чацвярга ў цэлым.
Кіраўніком дзяржавы пастаўлена задача да раніцы заўтрашняга дня завяршыць усе работы па падключэнні насельніцтва да электрасілкавання, у тым ліку ў самых аддаленых населеных пунктах.
"Да раніцы ўсе праблемы, асабліва для насельніцтва, павінны быць зняты", - так гучала даручэнне Прэзідэнта.
Міністэрству энергетыкі і старшыням аблвыканкамаў пастаўлена задача па рэвізіі ўсіх энергетычных магутнасцей і электрасетак, а таксама наяўнасці ліній рэзервовага сілкавання. У выпадку выяўлення хоць якіх-небудзь невялікіх фактараў, што выклікаюць насцярожанасць, старыя сеткі павінны быць дэманціраваны і заменены, каб пазбегнуць у будучым такіх сітуацый. Такое яшчэ адно даручэнне Аляксандра Лукашэнкі.
Яшчэ адзін блок даручэнняў датычыўся ўстаранення наступстваў стыхіі ў лясным масіве.-0-
Падпісвайцеся на нас у
