24 кастрычніка, Казань /Кар. БЕЛТА/. Прэзідэнт Беларусі Аляксандр Лукашэнка заявіў, што Беларусь стала партнёрам у БРІКС. Аб гэтым ён расказаў у інтэрв'ю выданню "Известия" на палях саміту ў Казані, перадае карэспандэнт БЕЛТА.
"Мы сталі партнёрамі - гэта абавязковая ступень перад уступленнем у гэты клуб", - заявіў беларускі лідар.
Аляксандр Лукашэнка ў інтэрв'ю расказаў, што яго некалькі здзівіў той факт, што аб жаданні далучыцца да БРІКС заявілі амаль 30 дзяржаў, а партнёрамі сталі крыху больш за 10 краін.
"Партнёрамі сталі 12 або 13 дзяржаў, у тым ліку Беларусь. А чаму не прымаюць у БРІКС іншыя дзяржавы? Аб чым БРІКС хацела б, перш чым прымаць іншыя дзяржавы, падумаць? - паставіў пытанне беларускі лідар. - А чаму Турцыю не прыняць? Адзіны член НАТА, які праявіў інтарэс. Пры гэтым буйная краіна, эканоміка магутная. Чаму не прыняць? Не, не прынялі. Прыдумалі гэты "прылазнік" у выглядзе партнёра".
"Добра, гэта (статус партнёра. - Заўвага БЕЛТА) магчыма. Але мяне насцярожвае ў гэтым тое, каб бюракраты, якія ствараюць і прапануюць кіраўнікам дзяржаў гэтыя дакументы, не завалакіцілі ўсё. Каб бюракратычны апарат не знішчыў тыя пытанні, якія сёння стаяць перад дзяржавамі, што ўваходзяць у склад БРІКС. Вось гэта мяне насцярожвае. Вось сабраліся, паказалі адзін аднаму, неяк выступілі і раз'ехаліся. А вынік?" - заўважыў беларускі лідар.-0-
Падпісвайцеся на нас у
