19 верасня, Мінск /Кар. БЕЛТА/. Прэзідэнт Беларусі Аляксандр Лукашэнка заявіў аб гатоўнасці Беларусі супрацоўнічаць з Украінай гэтак жа, як робіць гэта з ДНР. Аб гэтым ён заявіў на сустрэчы з кіраўніком Данецкай Народнай Рэспублікі Дзянісам Пушыліным, перадае карэспандэнт БЕЛТА.
"Тут у нас розныя намёкі і іншае, нават з Захаду, што вы вось будзеце супрацоўнічаць, пакрыўдзіце Украіну. Мы нікога не крыўдзім. Мы гатовы супрацоўнічаць і з Украінай на тых жа прынцыпах, што і з Данецкай Народнай Рэспублікай, - заявіў кіраўнік дзяржавы. - Мы дзетак вашых заўсёды прымаем сюды на лячэнне, адпачынак. Яны вельмі задаволены. Праўда, мяне ледзь у суд нейкі не зацягнулі, што мы крадзём, аказваецца, вашых дзяцей. Ну дык я прапанаваў і Украіне, і амерыканцам: калі ласка, прыязджайце, знайдзіце хоць адно ўкрадзенае дзіця. Гэта не нашы прынцыпы".
"Таму я яшчэ раз пацвярджаю, што мы будзем супрацоўнічаць з вамі, абсалютна не парушаючы ніякія міжнародныя нормы і нормы нашых узаемаадносін. Мы працуем у імя людзей. Ёсць праблема ў будаўніцтве ў вас - мы будзем вас падтрымліваць і дапамагаць. Ёсць у вас праблема кагосьці лячыць, адукацыю атрымаць - мы гатовы з вамі супрацоўнічаць. Абсалютна на такіх прынцыпах гатовы супрацоўнічаць і з Украінай. Таму не трэба тут на нас накідваць, навальваць. Мы людзі міралюбівыя. У аснове нашых дружбы і супрацоўніцтва - толькі мір", - падкрэсліў беларускі лідар.-0-
Падпісвайцеся на нас у
