27 верасня, Мінск /Кар. БЕЛТА/. У школьнікаў павінны быць роўныя ўмовы для паступлення ў ВНУ. Аб гэтым Прэзідэнт Беларусі Аляксандр Лукашэнка заявіў 27 верасня на сустрэчы са студэнтамі інжынерна-тэхнічных ВНУ Мінска ў фармаце "Адкрыты мікрафон", перадае карэспандэнт БЕЛТА.
Перш чым пачаць размову, кіраўнік дзяржавы вырашыў сказаць некалькі слоў, як кажуць, на злобу дня. "Я дастаткова інфармаваны аб многіх працэсах у грамадстве. У тым ліку знаёмы (і вельмі добра знаёмы) з вашымі вучэбнымі праграмамі, сачу, як праходзяць уступныя экзамены, размеркаванне. Аб чым вы пішаце, гаворыце, спрачаецеся, у агульных рысах мне таксама вядома", - адзначыў Аляксандр Лукашэнка.
Ён прызнаўся, што як Прэзідэнта яго перш за ўсё хвалюе пытанне даступнасці вышэйшай адукацыі. "Галоўнае ў тым, каб кожны з нашых маладых людзей, якія скончылі сярэднюю школу, меў магчымасць паступіць у ВНУ. На роўных", - падкрэсліў кіраўнік дзяржавы.
Аляксандр Лукашэнка расказаў, што ў яго час паступіць у ВНУ было вельмі складана. Конкурсы былі вельмі высокія, да таго ж свой адбітак накладвала і карумпіраванасць сістэмы адукацыі. Цяпер ёсць іншая праблема - недабор на пэўныя спецыяльнасці. З гэтым пытаннем яшчэ трэба будзе разабрацца, адзначыў Прэзідэнт.
"Я імкнуся рабіць усё, каб усе мелі роўныя ўмовы", - заявіў беларускі лідар.-0-
Падпісвайцеся на нас у
