2 ліпеня, Мінск /Кар. БЕЛТА/. Пасля набыцця суверэнітэту беларусы разам пабудавалі сапраўды народную дзяржаву. Аб гэтым Прэзідэнт Беларусі Аляксандр Лукашэнка заявіў 2 ліпеня на цырымоніі ўручэння дзяржаўных узнагарод, перадае карэспандэнт БЕЛТА.
Аляксандр Лукашэнка заўважыў, што мерапрыемства праводзіцца напярэдадні галоўнага дзяржаўнага свята - Дня Незалежнасці. Ён падкрэсліў, што 3 ліпеня - святая і сімвалічная дата. З яе пачаўся адлік 80 гадоў мірнага жыцця Беларусі.
Звяртаючыся да ўсіх прысутных на цырымоніі, Прэзідэнт падкрэсліў: "Вы - дастойныя прадаўжальнікі справы тых, хто 80 гадоў таму адстаяў нашу свабоду і незалежнасць, а затым, пераадолеўшы разруху, выконваў пяцігодкі за чатыры гады. Пасля набыцця суверэнітэту мы разам пабудавалі сапраўды народную дзяржаву. І цяпер, як бы ні было цяжка, наша чарга пісаць новыя старонкі беларускай гісторыі - яркія, шчаслівыя і абавязкова мірныя. Час выбраў нас".
Кіраўнік дзяржавы павіншаваў удзельнікаў мерапрыемства з надыходзячым Днём Незалежнасці, пажадаўшы, каб гэта свята і цяперашняя ўрачыстая цырымонія сталі для іх і для ўсіх жыхароў краіны новым імпульсам да прафесійных поспехаў.-0-
