Лукашэнка расказаў пра сваю рэакцыю на флэш-моб "Трэба!"

4 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка, адказваючы на пытанне журналістаў, расказаў пра сваю рэакцыю на флэш-моб "Трэба!" Фрагмент размовы з кіраўніком дзяржавы паказалі ў эфіры навін тэлеканала "Беларусь 1", паведамляе БЕЛТА.

"Я калі гэта ўбачыў, пачуў, я Эйсмант (прэс-сакратару Прэзідэнта Наталлі Эйсмант. - Заўвага БЕЛТА) сказаў: "Гэта ты арганізавала?" Клялася, што "не я". Я і веру, што не яна", - сказаў кіраўнік дзяржавы.

"Я рады гэтаму. Калі гэта такое ўсеагульнае адабрэнне. Але не дай бог гэта арганізаванае нешта", - дадаў беларускі лідар.

Журналіст у сваім пытанні адзначыла, што людзі звяртаюцца да журналістаў з просьбамі апублічыць запісаныя ролікі. "Вы не можаце не апублічыць - людзі просяць. Але я яшчэ раз гавару, што тут перагібу быць не павінна, каб нас не папракнулі ў нейкім правадырстве", - падкрэсліў Прэзідэнт.

Тэму таксама пракаменціравала журналістам Наталля Эйсмант: "Людзі гавораць Прэзідэнту: "Трэба". Усё зусім зразумела. Людзі гавораць такое важкае і ёмістае слова. Як ставіцца? Я думаю, добра ставіцца. Як да такой па-сапраўднаму народнай ініцыятывы. Прэзідэнт першым чынам пачаў у нас пытацца".-0-