21 чэрвеня, Дзяржынск /Кар. БЕЛТА/. Прэзідэнт Беларусі Аляксандр Лукашэнка ў час паездкі ў Дзяржынск падзяліўся ўражаннямі аб чэмпіянаце Еўропы па футболе, паведамляе карэспандэнт БЕЛТА.
У час кароткай размовы з міністрам спорту і турызму Сяргеем Кавальчуком перад цырымоніяй адкрыцця новага фізкультурна-аздараўленчага комплексу кіраўнік дзяржавы закрануў гульню беларускіх футбалістаў.
"0:4, 0:4… Што гэта? Самы масавы від спорту. Будзе добра, так?" - з іроніяй спытаў кіраўнік дзяржавы, успамінаючы, відаць, таварыскія матчы супраць зборных Расіі і Ізраіля.
"Будзе, 100 працэнтаў", - запэўніў міністр.
"І нічога дзіўнага. Я гляджу чэмпіянат Еўропы: усё мы маглі б рабіць, калі б мы фізічна былі гатовы. Мы фізічна не гатовы. Паглядзі, як іспанцы гуляюць: худзенькія, падцягнутыя, акуратненькія", - адзначыў Прэзідэнт.
Як паведамлялася, у Дзяржынску Аляксандр Лукашэнка адкрыў фізкультурна-аздараўленчы комплекс "Алімп", які ўваходзіць у структуру дзіцяча-юнацкай спартыўнай школы раёна. Яго пачалі будаваць у красавіку 2022 года, на работы і аснашчэнне комплексу выдзелілі Br24,3 млн.
У ФАКу адкрыты секцыі па футболе, баскетболе, дзюдо і настольным тэнісе. Прапрацоўваецца пытанне аб адкрыцці аддзялення па плаванні. Займацца спортам атрымаюць магчымасць як гараджане, так і жыхары бліжэйшых вёсак.
"Я буду вельмі рады, калі з часам пачую, што чэмпіёны Еўропы, свету, Алімпійскіх гульняў прыйдуць адсюль. А гэта магчыма: самыя моцныя людзі - у раёнах", - заявіў Прэзідэнт.
Кіраўнік дзяржавы выказаў надзею, што такія аб'екты з'явяцца ва ўсіх раёнах. "Я думаю, губернатар, ён у нас чалавек малады, спартыўны, будзе прытрымлівацца гэтага стылю, і на працягу наступнай пяцігодкі ў кожным раёне мы будзем мець такія комплексы. Няшмат у нас раёнаў, дзе такіх комплексаў яшчэ няма. Таму мы іх павінны пабудаваць. Гэта фабрыка здароўя. І я вам жадаю галоўнага - здароўя, усё астатняе купім", - сказаў Аляксандр Лукашэнка.-0-
У час кароткай размовы з міністрам спорту і турызму Сяргеем Кавальчуком перад цырымоніяй адкрыцця новага фізкультурна-аздараўленчага комплексу кіраўнік дзяржавы закрануў гульню беларускіх футбалістаў.
"0:4, 0:4… Што гэта? Самы масавы від спорту. Будзе добра, так?" - з іроніяй спытаў кіраўнік дзяржавы, успамінаючы, відаць, таварыскія матчы супраць зборных Расіі і Ізраіля.
"Будзе, 100 працэнтаў", - запэўніў міністр.
"І нічога дзіўнага. Я гляджу чэмпіянат Еўропы: усё мы маглі б рабіць, калі б мы фізічна былі гатовы. Мы фізічна не гатовы. Паглядзі, як іспанцы гуляюць: худзенькія, падцягнутыя, акуратненькія", - адзначыў Прэзідэнт.
Як паведамлялася, у Дзяржынску Аляксандр Лукашэнка адкрыў фізкультурна-аздараўленчы комплекс "Алімп", які ўваходзіць у структуру дзіцяча-юнацкай спартыўнай школы раёна. Яго пачалі будаваць у красавіку 2022 года, на работы і аснашчэнне комплексу выдзелілі Br24,3 млн.
У ФАКу адкрыты секцыі па футболе, баскетболе, дзюдо і настольным тэнісе. Прапрацоўваецца пытанне аб адкрыцці аддзялення па плаванні. Займацца спортам атрымаюць магчымасць як гараджане, так і жыхары бліжэйшых вёсак.
"Я буду вельмі рады, калі з часам пачую, што чэмпіёны Еўропы, свету, Алімпійскіх гульняў прыйдуць адсюль. А гэта магчыма: самыя моцныя людзі - у раёнах", - заявіў Прэзідэнт.
Кіраўнік дзяржавы выказаў надзею, што такія аб'екты з'явяцца ва ўсіх раёнах. "Я думаю, губернатар, ён у нас чалавек малады, спартыўны, будзе прытрымлівацца гэтага стылю, і на працягу наступнай пяцігодкі ў кожным раёне мы будзем мець такія комплексы. Няшмат у нас раёнаў, дзе такіх комплексаў яшчэ няма. Таму мы іх павінны пабудаваць. Гэта фабрыка здароўя. І я вам жадаю галоўнага - здароўя, усё астатняе купім", - сказаў Аляксандр Лукашэнка.-0-
