4 ліпеня, Астана /Кар. БЕЛТА/. Прэзідэнт Беларусі Аляксандр Лукашэнка ў Астане прыняў удзел у сустрэчы ў фармаце "ШАС плюс", перадае карэспандэнт БЕЛТА.
У форуме ўдзельнічалі не толькі кіраўнікі дзяржаў - членаў ШАС, сярод якіх цяпер і Беларусь, але таксама лідары дзяржаў-наглядальнікаў, ганаровыя госці і кіраўнікі міжнародных арганізацый. Тэмай сустрэчы вызначана "Умацаванне шматбаковага дыялогу - імкненне да ўстойлівага міру і развіцця".
У мерапрыемстве таксама прынялі ўдзел лідары з Казахстана, Індыі, Ірана, Кітая, Кыргызстана, Пакістана, Расіі, Таджыкістана, Узбекістана, Манголіі, Азербайджана, Катара, ААЭ, Турцыі і Туркменістана, генеральны сакратар ШАС і выканаўчы дырэктар Рэгіянальнай антытэрарыстычнай структуры ШАС. У ліку запрошаных таксама генеральны сакратар ААН і кіраўнікі такіх міжнародных арганізацый, як СНД, АЭС, НУМДА, АДКБ, ЕЭК і ІАХБ.
У першай палове дня ў Астане Аляксандр Лукашэнка прыняў удзел у пасяджэнні Савета кіраўнікоў дзяржаў - членаў ШАС, на якім Беларусь была прынята ў паўнапраўныя члены арганізацыі. Па выніках пасяджэння прынята Астанінская дэкларацыя і шэраг важных рашэнняў, якія датычацца як работы дзейнасці самой ШАС, так і развіцця супрацоўніцтва краін, якія ўваходзяць у яе, у самых розных сферах.
На палях саміту лідары краін правялі шматлікія двухбаковыя сустрэчы і перагаворы. Аляксандр Лукашэнка правёў ужо афіцыйныя сустрэчы з прэм'ер-міністрам Пакістана і генеральным сакратаром ААН.-0-
Падпісвайцеся на нас у
