20 верасня, Мінск /Кар. БЕЛТА/. Прэзідэнт Беларусі Аляксандр Лукашэнка азнаёміцца з развіццём у Беларусі пладаводства. Гэтай тэме прысвечана рабочая паездка кіраўніка дзяржавы ў Маладзечанскі раён, перадае карэспандэнт БЕЛТА.
Прэзідэнт наведвае сялянскую фермерскую гаспадарку "СПАРТАН-АГРА", якая займаецца вырошчваннем яблыкаў і сельскагаспадарчай прадукцыі. Сад пачаў даваць тэхнічны ўраджай у 2001 годзе (у 2023 годзе атрымана 1371 тона), які рэалізуецца ў гандлёвыя сеткі.
З 2009 па 2023 год у гаспадарцы закладзены сад восеньскіх і зімовых сартоў з гадавальнікам і матачнікам на плошчы 77 га. На ўсіх плошчах пад інтэнсіўным садам уладкаваны і выкарыстоўваецца кропельны паліў.
Да 2028 года ўраджайнасць сада выйдзе на вытворчыя магутнасці і складзе не менш як 3 тыс. т у год. Уся работа праводзіцца пры навукова-тэхнічным садзейнічанні РУП "Інстытут пладаводства" НАН Беларусі.
Таксама ў гаспадарцы ёсць матачнік і гадавальнік.
Кіраўнік сялянскай гаспадаркі - Ігар Абрамчык. З ім Аляксандр Лукашэнка ўжо сустракаўся ў красавіку бягучага года ў час рэспубліканскага суботніка, які Прэзідэнт праводзіў на сваёй малой радзіме, закладваючы новы яблыневы сад. Саджанцы для яго былі, як і пад Маладзечнам, з фермерскай гаспадаркі.
"Фермер, рабацяга. Дарэчы, не аграрый", - адрэкамендаваў тады яго перад журналістамі кіраўнік дзяржавы.
"Не, не аграрый. Інжынер-эканаміст. БДУІР. Але ўсё роўна на зямлі", - пацвердзіў фермер.
"Айцішнік", - адзначыў Аляксандр Лукашэнка і ўдакладніў, ці ёсць у маладога аграрыя вясковыя карані.
Аказалася, што сапраўды ёсць, і ў вёсцы ж Ігар правёў некалькі першых школьных гадоў.-0-
Падпісвайцеся на нас у
