23 кастрычніка, Казань /Кар. БЕЛТА/. Прэзідэнт Беларусі Аляксандр Лукашэнка прапанаваў Эфіопіі хуткімі тэмпамі развіваць супрацоўніцтва, паколькі гэтага патрабуе сучасная абстаноўка ў свеце. Аб гэтым кіраўнік дзяржавы заявіў на сустрэчы з прэм'ер-міністрам Федэратыўнай Дэмакратычнай Рэспублікі Эфіопія Абіем Ахмедам Алі на палях саміту БРІКС у Казані, паведамляе БЕЛТА.
Гаворачы аб развіцці двухбаковых адносін Беларусі і Эфіопіі, Аляксандр Лукашэнка прапанаваў: "Давайце пачнём з таго, што бліжэй пазнаёмімся адзін з адным. Але я прыхільнік хуткіх крокаў. Свет вельмі мяняецца, ён прымушае нас паскарацца. Таму мы гатовы настолькі хутка рабіць усё, аб чым мы дамовімся, наколькі да гэтага будзеце гатовы вы самі".
Прэзідэнт адзначыў, што Эфіопія для Беларусі хоць і далёкая, але ў той жа час і вельмі блізкая краіна, з ёю заўсёды стараліся супрацоўнічаць. "Апошнім часам неяк не вельмі атрымлівалася. І я ўдзячны вам за гэту сустрэчу. Думаю, што яна будзе садзейнічаць нейкаму руху ў нашых адносінах і што мы зможам выбудаваць нашы адносіны ў далейшым", - падкрэсліў беларускі лідар.
Паводле яго слоў, асаблівую значнасць двухбаковае супрацоўніцтва набывае ў святле таго, што Беларусь зацікаўлена праз Эфіопію атрымаць доступ на рынак Афрыкі, разглядае гэту краіну як вароты ў Афрыку. "Таму нам вельмі цікава супрацоўнічаць з вамі. Думаю, што нам трэба не проста аднаўляць, а ўдасканальваць і мадэрнізаваць шляхі нашага супрацоўніцтва. Мы да гэтага гатовы. А вы?" - звярнуўся да субяседніка Аляксандр Лукашэнка.
Абій Ахмед Алі ў сваю чаргу выказаў удзячнасць беларускаму боку за аднаўленне супрацоўніцтва і асобна - за ўзаемную падтрымку на сусветнай арэне, у тым ліку па такім важным для Эфіопіі пытанні, як выхад да мора.
"Хацелася б звярнуць увагу і на цікавасць, якую наша краіна праяўляе да гандлёва-эканамічнага ўзаемадзеяння з вашай краінай, - сказаў прэм'ер-міністр. - Перш за ўсё мы зацікаўлены ў сумеснай рабоце ў галіне сельскай гаспадаркі (мадэрнізацыя сельскай гаспадаркі з'яўляецца для нас прыярытэтам). Мы хацелі б папрацаваць разам у тэкстыльнай галіне, горназдабыўной прамысловасці, у сферы высокіх тэхналогій і гэтак далей".
У адказ Прэзідэнт Беларусі падкрэсліў: "Мы людзі адкрытыя, мы гатовы быць вам карысныя там, дзе вы палічыце патрэбным". Кіраўнік дзяржавы прапанаваў арганізаваць візіт спецыялістаў Эфіопіі ў Беларусь, каб яны маглі на месцы вызначыцца з тымі сферамі і таварамі, якія маюць цікавасць для іх краіны, сельская гаспадарка гэта ці ваенна-прамысловы комплекс. "Калі вы нешта знойдзеце карыснае для вас, скажыце, мы ў гэтым напрамку будзем вам дапамагаць і будзем з вамі супрацоўнічаць", - запэўніў Аляксандр Лукашэнка. Такім жа чынам Беларусь гатова дзяліцца патрэбнымі для Эфіопіі тэхналогіямі, прычым не проста іх перадаваць у гэту краіну, але і праводзіць навучанне мясцовых спецыялістаў.
"Мы супрацоўнічаем ужо са многімі дзяржавамі Афрыкі: Зімбабвэ, Экватарыяльная Гвінея, Кенія, Егіпет і гэтак далей. Вы можаце вывучыць у іх, наколькі мы адказна і эфектыўна ажыццяўляем сваю работу, - дадаў Прэзідэнт. - Яны задаволены супрацоўніцтвам з намі".-0-
Гаворачы аб развіцці двухбаковых адносін Беларусі і Эфіопіі, Аляксандр Лукашэнка прапанаваў: "Давайце пачнём з таго, што бліжэй пазнаёмімся адзін з адным. Але я прыхільнік хуткіх крокаў. Свет вельмі мяняецца, ён прымушае нас паскарацца. Таму мы гатовы настолькі хутка рабіць усё, аб чым мы дамовімся, наколькі да гэтага будзеце гатовы вы самі".
Прэзідэнт адзначыў, што Эфіопія для Беларусі хоць і далёкая, але ў той жа час і вельмі блізкая краіна, з ёю заўсёды стараліся супрацоўнічаць. "Апошнім часам неяк не вельмі атрымлівалася. І я ўдзячны вам за гэту сустрэчу. Думаю, што яна будзе садзейнічаць нейкаму руху ў нашых адносінах і што мы зможам выбудаваць нашы адносіны ў далейшым", - падкрэсліў беларускі лідар.
Паводле яго слоў, асаблівую значнасць двухбаковае супрацоўніцтва набывае ў святле таго, што Беларусь зацікаўлена праз Эфіопію атрымаць доступ на рынак Афрыкі, разглядае гэту краіну як вароты ў Афрыку. "Таму нам вельмі цікава супрацоўнічаць з вамі. Думаю, што нам трэба не проста аднаўляць, а ўдасканальваць і мадэрнізаваць шляхі нашага супрацоўніцтва. Мы да гэтага гатовы. А вы?" - звярнуўся да субяседніка Аляксандр Лукашэнка.
Абій Ахмед Алі ў сваю чаргу выказаў удзячнасць беларускаму боку за аднаўленне супрацоўніцтва і асобна - за ўзаемную падтрымку на сусветнай арэне, у тым ліку па такім важным для Эфіопіі пытанні, як выхад да мора.
"Хацелася б звярнуць увагу і на цікавасць, якую наша краіна праяўляе да гандлёва-эканамічнага ўзаемадзеяння з вашай краінай, - сказаў прэм'ер-міністр. - Перш за ўсё мы зацікаўлены ў сумеснай рабоце ў галіне сельскай гаспадаркі (мадэрнізацыя сельскай гаспадаркі з'яўляецца для нас прыярытэтам). Мы хацелі б папрацаваць разам у тэкстыльнай галіне, горназдабыўной прамысловасці, у сферы высокіх тэхналогій і гэтак далей".
У адказ Прэзідэнт Беларусі падкрэсліў: "Мы людзі адкрытыя, мы гатовы быць вам карысныя там, дзе вы палічыце патрэбным". Кіраўнік дзяржавы прапанаваў арганізаваць візіт спецыялістаў Эфіопіі ў Беларусь, каб яны маглі на месцы вызначыцца з тымі сферамі і таварамі, якія маюць цікавасць для іх краіны, сельская гаспадарка гэта ці ваенна-прамысловы комплекс. "Калі вы нешта знойдзеце карыснае для вас, скажыце, мы ў гэтым напрамку будзем вам дапамагаць і будзем з вамі супрацоўнічаць", - запэўніў Аляксандр Лукашэнка. Такім жа чынам Беларусь гатова дзяліцца патрэбнымі для Эфіопіі тэхналогіямі, прычым не проста іх перадаваць у гэту краіну, але і праводзіць навучанне мясцовых спецыялістаў.
"Мы супрацоўнічаем ужо са многімі дзяржавамі Афрыкі: Зімбабвэ, Экватарыяльная Гвінея, Кенія, Егіпет і гэтак далей. Вы можаце вывучыць у іх, наколькі мы адказна і эфектыўна ажыццяўляем сваю работу, - дадаў Прэзідэнт. - Яны задаволены супрацоўніцтвам з намі".-0-
Падпісвайцеся на нас у
